अल-कायदाचा माजी कमांडर; व्हाईट हाऊसमध्ये अल-शरा आणि डोनाल्ड ट्रम्प यांची ऐतिहासिक भेट

डोनाल्ड ट्रम्प आणि सिरियाचे प्रमुख अहमद अल-शरा यांची व्हाईट हाऊसमध्ये भेट झाली.

वॉशिंग्टन : सिरियाचे राष्ट्रपती अहमद अल-शरा यांनी अमेरिकेचे राष्ट्राध्यक्ष डोनाल्ड ट्रम्प यांची  व्हाईट हाऊसमध्ये भेट घेतली. ही भेट ऐतिहासिक ठरली, कारण अल-शरा हे पूर्वी अल-कायदाचे वरिष्ठ कमांडर राहिले आहेत आणि एकेकाळी अमेरिकेने त्यांना दहशतवाद्यांच्या यादीत टाकले होते. मात्र, सीरियाची सत्ता हाती घेतल्यानंतर त्यांची हीव्हाईट हाऊसला ही पहिलीच भेट आहे.

या भेटीदरम्यान ट्रम्प यांनी आपल्या नेहमीच्या विनोदी अंदाजात अल-शरा यांच्याशी काही हलक्या फुलक्या गप्पा मारल्या. या भेटीचा एक व्हिडिओ समोर आला आहे, ज्यात ट्रम्प यांनी अल-शरा यांना एक परफ्युमची बाटली भेट दिल्याचे दिसते. तसेच, दुसरी बाटली त्यांच्या पत्नीकरीताही दिली. यानंतर ट्रम्प यांनी हसत विचारले, “तुम्हाला किती बायका आहेत?” यावर अल-शरा यांनी उत्तर दिले, “फक्त एक.” यानंतर खोलीत उपस्थित सर्वजण हसू लागले.

‘How many wives? One?’ Trump asks Syria’s new leader in White House — video

Trump gifted Al-Shaar perfume and went on to SPRAY him with it

‘This is the best fragrance! And the other one is for your wife’

Al-Sharaa assured Trump he only has one wife. Vibe check passed, too pic.twitter.com/SAjO6Vc8GH

— RT (@RT_com) November 12, 2025

अल-शरा यांनी काय दिले? 

अल-शरा यांनीही ट्रम्प यांना काही प्रतीकात्मक भेटवस्तू दिल्या, ज्यात प्राचीन सिरियन कलाकृतींच्या प्रतिकृती होत्या. त्यांनी सांगितले की, त्यात इतिहासातील पहिली वर्णमाला आणि पहिले टपाल तिकीटाचा समावेश होता.

रदरम्यान, अल-शरा यांच्या भूतकाळाबद्दल ट्रम्प म्हणाले की, आपल्या सगळ्यांचाच भूतकाळ कठीण असतो, पण त्यांचा तर खरोखरच अवघड होता. खरे सांगायचे झाले, तर तो कठीण भूतकाळ नसता, तर कदाचित त्यांना आज ही संधीच मिळाली नसती.

बदलते अमेरिकन-सिरियन संबंध

1946 मध्ये फ्रान्सपासून सिरियाला स्वातंत्र्य मिळाल्यानंतर, कोणत्याही सिरियन नेत्याची ही पहिलीच व्हाईट हाऊसला अधिकृत भेट आहे. अमेरिका आणि सिरिया यांच्यातील संबंधांमध्ये हे एक मोठे वळण मानले जात आहे. या भेटीपूर्वीच अमेरिकेने सिरियावरचे काही निर्बंध 180 दिवसांसाठी तात्पुरते स्थगित केले होते.

सिरियन राष्ट्रपती कार्यालयाच्या माहितीनुसार, अल-शरा यांनी या भेटीत अमेरिकेसोबतचे द्विपक्षीय संबंध मजबूत करण्याबाबत आणि प्रादेशिक विषयांवर चर्चा केली. काही काळापूर्वीच अल-शरा यांनी फॉक्स न्यूजला दिलेल्या मुलाखतीत सांगितले होते की, त्यांचा अल-कायदाशी असलेला संबंध हा आता केवळ भूतकाळातील भाग आहे आणि व्हाईट हाऊसमधील बैठकीत या विषयावर कोणतीही चर्चा होणार नाही.

सत्तांतरानंतरचा प्रवास

गेल्यावर्षी डिसेंबरमध्ये अल-शरा यांनी सिरियामध्ये सत्ता हाती घेतली. त्यांच्या नेतृत्वाखालील इस्लामी सैन्यांनी बशर अल-असद यांच्या सरकारचा पराभव केला. ट्रम्प यांनी बैठकीदरम्यान म्हटले, माझे आणि अल-शरा यांचे चांगले संबंध आहेत आणि मला खात्री आहे की ते हे काम उत्तमरीत्या पार पाडतील. या भेटीने केवळ दोन देशांमधील नवा अध्याय सुरू झाला नाही, तर एका माजी दहशतवाद्यापासून जागतिक राजकारणातील प्रमुख नेत्यापर्यंतच्या प्रवास समोर आला आहे.