व्हिडीओ : जगातील सर्वात उंच इमारतीवर महात्मा गांधींचे छायाचित्र, अनोखी आदरांजली

महात्मा गांधी यांच्या 150 व्या जयंतीनिमित्त जगातील सर्वात उंच इमारत असलेल्या बुर्ज खलिफावर गांधीजींचे छायाचित्र आणि तिरंग्याची विद्युत रोषणाई करण्यात आली आहे.

दुबई - महात्मा गांधी यांच्या 150 व्या जयंतीनिमित्त जगातील सर्वात उंच इमारत असलेल्या बुर्ज खलिफावर गांधीजींचे छायाचित्र आणि तिरंग्याची विद्युत रोषणाई करण्यात आली आहे. संयुक्त अरब अमीराती (यूएई) ने महात्मा गांधींना अशा प्रकारे अनोखी श्रद्धांजली वाहिली आहे. भारत सरकारने यूएईचे याबद्दल आभार मानले आहेत. 

दुबईतील बुर्ज खलिफा ही उत्तुंग इमारत गांधीजींच्या छायाचित्रासह  तिरंग्यात न्हाऊन निघाली. या इमारतीच्या अधिकृत ट्विटरअकाऊंटवरून बुर्ज खलिफाचा फोटो ट्विट करून गांधी जयंतीच्या शुभेच्छा देण्यात आल्या आहेत. तसेच दरवर्षी भारताच्या स्वातंत्र्य दिनानिमित्त दुबईमधल्या बुर्ज खलिफाला तिरंग्याची विद्युत रोषणाई करण्यात येते.