कोलंबिया आणि व्हेनेझुएलाच्या सीमेवर असलेल्या नॉर्टे दे सँटान्डर प्रांतात बुधवारी एक भीषण विमान अपघात झाला. 'सॅटेना एअरलाइन्स'चे एक विमान कोसळल्याने १५ जणांचा जागीच मृत्यू झाला आहे. मृतांमध्ये कोलंबियाच्या संसदेचे एक विद्यमान सदस्य डायोजेनेस क्विंटेरो आणि आगामी निवडणुकीतील उमेदवार कार्लोस साल्सेडो यांचा समावेश असल्याने राजकीय वर्तुळात मोठी शोककळा पसरली आहे.
मिळालेल्या माहितीनुसार, सॅटेना फ्लाइट ८८९५ या विमानाने बुधवारी दुपारी कुकुटा येथून ओकानासाठी उड्डाण केले. उड्डाणानंतर काही मिनिटांतच आणि ओकाना येथे लँडिंग होण्यापूर्वी, विमानाचा एटीसीशी असलेला संपर्क अचानक तुटला. विमान बेपत्ता झाल्याचे समजताच प्रशासनाने तातडीने शोध मोहीम हाती घेतली. काही तासांच्या शोधनंतर, दुर्गम डोंगराळ भागात विमानाचे अवशेष सापडले. या विमानात एकूण १३ प्रवासी आणि २ क्रू मेंबर्स होते, या सर्वांचा मृत्यू झाल्याचे सांगण्यात आले.
या अपघातामध्ये कोलंबियाच्या राजकीय क्षेत्रातील दोन मोठ्या व्यक्तींना प्राण गमवावे लागले आहेत. स्थानिक आमदार विल्मर कॅरिलो यांनी या घटनेला भयानक अपघात असे संबोधले असून जनतेला शांतता राखण्याचे आवाहन केले आहे. हा अपघात व्हेनेझुएलाच्या सीमेजवळील अत्यंत दुर्गम, डोंगराळ आणि घनदाट जंगलात घडला. खराब हवामान आणि भौगोलिक रचनेमुळे बचाव पथकाला अवशेषांपर्यंत पोहोचण्यासाठी मोठ्या अडचणींचा सामना करावा लागला. विमानाचा अपघात नेमका कशामुळे झाला, याचे कारण अद्याप स्पष्ट झालेले नाही. संबंधित हवाई वाहतूक यंत्रणा आणि तपास संस्था या प्रकरणाची सखोल चौकशी करत आहेत.
Web Summary : A plane crash in Colombia near the Venezuelan border killed all 15 aboard, including two politicians. The Satena Airlines plane lost contact shortly after takeoff. Investigation underway to determine the cause of the crash in the remote, mountainous region.
Web Summary : वेनेजुएला सीमा के पास कोलंबिया में एक विमान दुर्घटनाग्रस्त हो गया, जिसमें दो राजनेताओं सहित सभी 15 लोग मारे गए। सैटिना एयरलाइंस का विमान उड़ान भरने के तुरंत बाद संपर्क से टूट गया। दुर्घटना के कारणों की जांच जारी है।