अमेरिकेतील कॅलिफोर्नियातील स्टॉकटन शहरात शनिवारी रात्री गोळीबाराची घटना घडली. या गोळीबारात चार जणांचा मृत्यू झाला आहे. तर, अनेकजण गंभीर जखमी झाल्याची प्राथमिक माहिती आहे. जखमींमध्ये लहान मुलांचाही समावेश असल्याची माहिती आहे. एका मुलाच्या वाढदिवसाच्या पार्टीदरम्यान गोळीबाराची घटना घडल्याचे वृत्त आहे. या घटनेने एकच खळबळ माजली आहे.
मिळालेल्या माहितीनुसार, कॅलिफोर्नियातील स्टॉकटन शहरात शनिवारी रात्री एका मुलाच्या वाढदिवसाच्या पार्टीदरम्यान १९ जणांवर गोळीबार करण्यात आला. या गोळीबारात चार जणांचा मृत्यू झाला आहे. तर, अनेकजण गंभीर जखमी झाल्याची प्राथमिक माहिती आहे. जखमींवर जवळच्या रुग्णालयांमध्ये उपचार सुरू आहेत. जखमींमध्ये नऊ आणि १२ वर्षाच्या मुलांचा समावेश आहे.
घटनेची माहिती मिळताच पोलीस घटनास्थळी दाखल झाले. अधिकाऱ्यांनी संपूर्ण परिसरात नाकेबंदी केली. तसेच तपास यंत्रणा घटनास्थळी पुरावे गोळा करत आहेत. गोळीबाराचे कारण, तसेच हल्लेखोर किंवा संशयितांबद्दल कोणतीही अधिकृत माहिती अद्याप जाहीर करण्यात आलेली नाही. सोशल मीडियावर व्हायरल झालेल्या व्हिडिओंमध्ये घटनास्थळी मोठ्या प्रमाणात पोलीस आणि रुग्णवाहिका उपस्थित असल्याचे दिसत आहे, तसेच परिसरातील अनेक रस्ते बंद करण्यात आले आहेत.
Web Summary : A shooting at a California birthday party left four dead and many injured, including children. The incident occurred Saturday night in Stockton, prompting a police investigation and road closures.
Web Summary : कैलिफ़ोर्निया में एक जन्मदिन पार्टी में गोलीबारी में चार लोगों की मौत हो गई और बच्चों सहित कई घायल हो गए। घटना शनिवार रात स्टॉकटन में हुई, जिसके बाद पुलिस जांच और सड़क बंद कर दी गई।