California: कॅलिफोर्नियात वाढदिवसाच्या पार्टीत गोळीबार; ४ जण ठार, अनेकजण गंभीर जखमी!
By ऑनलाइन लोकमत | Updated: November 30, 2025 11:16 IST2025-11-30T11:12:54+5:302025-11-30T11:16:01+5:30
California Stockton Shooting: अमेरिकेतील कॅलिफोर्नियातील स्टॉकटन शहरात शनिवारी रात्री गोळीबाराची घटना घडली.
California: कॅलिफोर्नियात वाढदिवसाच्या पार्टीत गोळीबार; ४ जण ठार, अनेकजण गंभीर जखमी!
अमेरिकेतील कॅलिफोर्नियातील स्टॉकटन शहरात शनिवारी रात्री गोळीबाराची घटना घडली. या गोळीबारात चार जणांचा मृत्यू झाला आहे. तर, अनेकजण गंभीर जखमी झाल्याची प्राथमिक माहिती आहे. जखमींमध्ये लहान मुलांचाही समावेश असल्याची माहिती आहे. एका मुलाच्या वाढदिवसाच्या पार्टीदरम्यान गोळीबाराची घटना घडल्याचे वृत्त आहे. या घटनेने एकच खळबळ माजली आहे.
मिळालेल्या माहितीनुसार, कॅलिफोर्नियातील स्टॉकटन शहरात शनिवारी रात्री एका मुलाच्या वाढदिवसाच्या पार्टीदरम्यान १९ जणांवर गोळीबार करण्यात आला. या गोळीबारात चार जणांचा मृत्यू झाला आहे. तर, अनेकजण गंभीर जखमी झाल्याची प्राथमिक माहिती आहे. जखमींवर जवळच्या रुग्णालयांमध्ये उपचार सुरू आहेत. जखमींमध्ये नऊ आणि १२ वर्षाच्या मुलांचा समावेश आहे.
❗️⚠️🇺🇲 - BREAKING: 19 Shot, 4 Dead at Children’s Party. Location is banquet hall on Lucille and Thornton in Stockton, California.
— 🔥🗞The Informant (@theinformant_x) November 30, 2025
On November 29, 2025, a mass shooting erupted at a banquet hall in the 1900 block of Lucille Avenue near Thornton Road in South Stockton,… pic.twitter.com/zYDebHcJ6P
घटनेची माहिती मिळताच पोलीस घटनास्थळी दाखल झाले. अधिकाऱ्यांनी संपूर्ण परिसरात नाकेबंदी केली. तसेच तपास यंत्रणा घटनास्थळी पुरावे गोळा करत आहेत. गोळीबाराचे कारण, तसेच हल्लेखोर किंवा संशयितांबद्दल कोणतीही अधिकृत माहिती अद्याप जाहीर करण्यात आलेली नाही. सोशल मीडियावर व्हायरल झालेल्या व्हिडिओंमध्ये घटनास्थळी मोठ्या प्रमाणात पोलीस आणि रुग्णवाहिका उपस्थित असल्याचे दिसत आहे, तसेच परिसरातील अनेक रस्ते बंद करण्यात आले आहेत.