विमान प्रवास स्वस्त होणार! इंधन भरण्याचा त्रास संपणार, पहिल्यांदाच 'या' तंत्रज्ञानाचा वापर करुन विमान उड्डाण करणार
By ऑनलाइन लोकमत | Updated: June 24, 2025 14:37 IST2025-06-24T14:20:28+5:302025-06-24T14:37:23+5:30
जगातील पहिल्या इलेक्ट्रिक विमानाने उड्डाण केले. या विमानाने अमेरिकेतील ईस्ट हॅम्प्टन ते न्यू यॉर्कमधील जॉन एफ. केनेडी विमानतळापर्यंतचे १३० किलोमीटरचे अंतर फक्त ३० मिनिटांत पूर्ण केले.
विमान प्रवास स्वस्त होणार! इंधन भरण्याचा त्रास संपणार, पहिल्यांदाच 'या' तंत्रज्ञानाचा वापर करुन विमान उड्डाण करणार
विमानाने प्रवास करणाऱ्यांसाठी आनंदाची बातमी आहे. लवकरच तुमचा विमान प्रवास स्वस्त होणार आहे, जगातील पहिल्या प्रवासी इलेक्ट्रिक विमानाची नुकतीच अमेरिकेत यशस्वी चाचणी घेण्यात आली. हे विमान बीटा टेक्नॉलॉजीज नावाच्या कंपनीद्वारे चालवले जात आहे. काही दिवसांपूर्वी हे विमान ईस्ट हॅम्प्टनहून न्यू यॉर्कच्या जॉन एफ. केनेडी आंतरराष्ट्रीय विमानतळावर गेले होते. हा प्रवास यशस्वी झाला आहे, यामुळे आता इलेक्ट्रिक विमान मिळणार आहेत.
बी २ बॉम्बर बनविणारा भारतीय इंजिनिअर होता, मती फिरली आणि चीनला गेला...
चाचणी दरम्यान, या इलेक्ट्रिक फ्लाइटने फक्त ३० मिनिटांत सुमारे ७० नॉटिकल मैल म्हणजेच १३० किमी अंतर कापले. बीटा टेक्नॉलॉजीजचे संस्थापक आणि सीईओ काइल क्लार्क हे चाचणी घेत होते. हे विमान १०० टक्के इलेक्ट्रिक आहे. "हे १०० टक्के इलेक्ट्रिक विमान आहे. ते प्रवाशांसह ईस्ट हॅम्प्टन ते जेएफके पर्यंत उड्डाण केले. आम्ही ३५ मिनिटांत ७० नॉटिकल मैल अंतर कापले", असंही काइल क्लार्क म्हणाले.
🇺🇸HISTORIC ALL-ELECTRIC FLIGHT LANDS AT JFK
— Mario Nawfal (@MarioNawfal) June 4, 2025
An all-electric aircraft made a landmark landing at JFK Airport on Tuesday, marking the first such arrival at the New York hub.
Vermont-based Beta Technologies’ Alia CX300 took off from Suffolk County for a 45-minute flight.
CEO… https://t.co/TdhICNy6uxpic.twitter.com/7MEWGBqwkG
किंमत किती आहे?
मिळालेल्या माहितीनुसार, संपूर्ण विमान चार्ज करण्यासाठी आणि प्रवास पूर्ण करण्यासाठी फक्त ८ डॉलर्स म्हणजेच सुमारे ७०० रुपये खर्च आला. हेलिकॉप्टरमधून प्रवास करण्यापेक्षा ही किंमत स्वस्त आहे. सामान्य हेलिकॉप्टरद्वारे या अंतरासाठी इंधनावर सुमारे १६० डॉलर्स खर्च होतात. एकदा चार्ज केल्यानंतर, विमान २५० नॉटिकल मैलांपर्यंत प्रवास करू शकते.
क्लार्क म्हणाले की, शहरे किंवा शहरांमधील लहान प्रवासासाठी इलेक्ट्रिक विमाने स्वस्त असू शकतात. कमी खर्च आणि शांततेमुळे, ते प्रवाशांमध्ये लोकप्रिय देखील होऊ शकते. कंपनीला वर्षाच्या अखेरीस यूएस फेडरल एव्हिएशन अॅडमिनिस्ट्रेशन (FAA) कडून प्रमाणपत्र मिळण्याची आशा आहे.