ब्रिटनमध्ये भारतीय तरुणीसोबत संतापजनक कृत्य केल्याची घटना घडली आहे. उत्तर इंग्लंडमध्ये एका २० वर्षीय भारतीय तरुणीवर अत्याचार करण्यात आला. आरोपी श्वेतवर्णीय असून, पोलिसांना सीसीटीव्ही फूटेजमध्ये तो दिसून आला आहे. वर्णद्वेषातून तरुणीसोबत हे कृत्य करण्यात आल्याचे पोलिसांनी म्हटले आहे.
तरुणीवर आरोपीने भारतात परत जा म्हणत आधी हल्ला केला आणि त्यानंतर अत्याचार केले, अशी माहिती देण्यात आली आहे.
वेस्ट मिडलॅण्डस पोलिसांनी सांगितले की, तरुणी रस्त्यावर अडचणीत सापडली होती. तिला वॉल्सॉलमधील पार्क हॉलमध्ये बोलवले गेले. त्यानंतर तिच्यावर आधी हल्ला करण्यात आला आणि नंतर आरोपीने अत्याचार केले.
वेस्ट मिडलॅण्डस् पोलिसांकडून आरोपीचा शोध घेतला जात असून, तपासही सुरू आहे. तपास अधिकारी रोनन टायरर यांनी रविवारी सांगितले की, तरुणीवर झालेला हल्ला भयंकर आहे. आरोपीला अटक करण्यासाठी सर्वोतोपरी प्रयत्न केले जात आहेत. सध्या अधिकाऱ्यांची पथके पुरावे गोळा करत आहेत.
आरोपीची माहिती गोळा केली जात आहे. लवकरात लवकर त्याला अटक केली जाईल. सध्या पोलीस वेगवेगळ्या अंगाने या प्रकरणाचा तपास करत आहेत. ज्या परिसरात ही घटना घडली, त्यावेळी तिथे असलेल्या लोकांकडूनही पोलीस माहिती घेणार आहेत. त्यांना कुठली व्यक्ती शंकास्पद वावरताना दिसली होती का? याचीही माहिती गोळा केली जात आहे, असे टायरर यांनी सांगितले.
Web Summary : A 20-year-old Indian woman was brutally attacked and raped in Britain. The white assailant, caught on CCTV, subjected her to racist abuse, telling her to return to India before the assault. Police are investigating the heinous crime and searching for the suspect in Walsall's Park Hall area.
Web Summary : ब्रिटेन में 20 वर्षीय भारतीय युवती पर क्रूर हमला और बलात्कार किया गया। सीसीटीवी में कैद श्वेत हमलावर ने युवती पर नस्लीय टिप्पणी की और हमला करने से पहले उसे भारत लौटने को कहा। पुलिस इस जघन्य अपराध की जांच कर रही है और वाल्सॉल के पार्क हॉल इलाके में संदिग्ध की तलाश कर रही है।