वसमत (जि. हिंगोली): गेल्या दहा वर्षांपासून कासवगतीने सुरू असलेल्या आणि अत्यंत निकृष्ट दर्जाच्या ठरलेल्या राष्ट्रीय महामार्गाच्या कामावरून आमदार राजू नवघरे यांनी तीव्र संताप व्यक्त केला आहे. कल्याण ते निर्मल या राष्ट्रीय महामार्गाची झालेली दुर्दशा पाहून आमदारांनी स्वतः रस्त्यावर उतरून कामाचा 'पंचनामा' केला. "काम नीट करा, अन्यथा गाठ माझ्याशी आहे," असा थेट इशारा त्यांनी यावेळी संबंधित अभियंता आणि कंत्राटदाराला दिला.
पोट-कंत्राटदारीचा बसला फटकावसमत शहरातून जाणाऱ्या या महामार्गाचे काम २०१७ मध्ये सुरू झाले होते. मात्र, हे काम पोट-कंत्राटदारीच्या (Sub-contracting) विळख्यात अडकल्याने अद्याप पूर्ण झालेले नाही. धक्कादायक बाब म्हणजे, वर्षभरापूर्वी झालेल्या रस्त्यावर आताच मोठमोठे खड्डे पडले असून नवनिर्मित दुभाजकही कोसळू लागले आहेत. प्रत्यक्ष पाहणी दरम्यान, आमदारांनी परभणी मार्ग ते मालेगाव मार्ग या पट्ट्यातील उखडलेला रस्ता दाखवत कंत्राटदाराला जाब विचारला.
नागरिकांचा जीव धोक्यातदादरा पूल परिसरात रस्ता करण्यासाठी खोदून ठेवलेल्या खड्ड्यांमुळे अपघातांचे प्रमाण वाढले असून नागरिकांचा जीव धोक्यात आला आहे. "जनतेच्या पैशातून होणाऱ्या कामात असा हलगर्जीपणा खपवून घेतला जाणार नाही. खोदून ठेवलेले खड्डे तातडीने बुजवावेत, ही शेवटची ताकीद आहे," अशा शब्दांत आ. नवघरे यांनी प्रशासनाला सुनावले. या पाहणीमुळे राष्ट्रीय महामार्ग प्राधिकरणाच्या कामाचे वाभाडे निघाले असून आता तरी कामात सुधारणा होणार का? याकडे वसमतकरांचे लक्ष लागले आहे.
Web Summary : MLA Navghare, angered by poor national highway work in Wasmat, inspected the road. He warned the contractor to improve the quality, citing substandard construction, delays due to sub-contracting, and dangerous potholes endangering citizens. He demanded immediate repairs.
Web Summary : विधायक नवघरे ने वसमत में राष्ट्रीय राजमार्ग के घटिया काम पर नाराजगी जताई और सड़क का निरीक्षण किया। उन्होंने ठेकेदार को गुणवत्ता सुधारने की चेतावनी दी, घटिया निर्माण, उप-अनुबंध के कारण देरी और नागरिकों के लिए खतरनाक गड्ढों का हवाला दिया। उन्होंने तत्काल मरम्मत की मांग की।