यात जिल्हा कचेरी ८, उपायुक्त पशुसंवर्धन १, कौशल्य विकास १, महिला व बालविकास ३, नगररचना सहा. संचालक १, माहिती अधिकारी १, जि.प. मुकाअ ८, उपविभागीय अधिकारी कळमनुरी, वसमत व हिंगोली प्रत्येकी १, पं.स. हिंगोली ५, पं.स. वसमत, कळमनुरी, सेनगाव व औंढा प्रत्येकी २, तहसीलदार हिंगोली, वसमत, कळमनुरी प्रत्येकी ५, तहसील औंढा २ व सेनगावला ३ दिल्या आहेत. समाजकल्याण सहा. आयुक्त ३, कृषी अधीक्षक ५, कार्यकारी अभियंता सा.बां. ५, रेशीम विकास अधिकारी १, जिल्हा शल्यचिकित्सक ५, जिल्हा क्रीडा अधिकारी १, जिल्हा आरोग्य अधिकारी ५, पोलीस अधीक्षक ८, जिल्हा कोषागार ५, जिल्हा नियोजन समिती ३ अशा एकूण १०० मशीनचा पुरवठा केला आहे. एक मशीन ५९ हजार रुपयांची आहे.
धूळखात पडू नयेत
बहुतांश शासकीय कार्यालयांत संचिका लवकर विविध टेबलांवर फिरविण्याची घाई असते. तर, काही ठिकाणी असे सोपस्कार पूर्ण करण्यासाठी कर्मचारी कितपत मेहनत घेतील, हा प्रश्न आहे. त्यामुळे या मशीन नव्याचे नऊ दिवस वापरून पुन्हा धूळखात पडण्याची शक्यता नाकारता येत नाही. याकडेही प्रशासनाला लक्ष ठेवावे लागणार आहे. एकंदर विचार करता यावर मोठा खर्च झाला आहे. तो पाण्यात जाण्याची भीती आहे.