वसमत ( हिंगोली ) : वसमत-नांदेड रस्त्यावर चंदगव्हाण शिवारात दुचाकी बसवर धडकून झालेल्या अपघातात तीन तरुणांचा मृत्यू झाला. मृत तिघेही वसमत येथील एकाच नगरातील रहिवासी होते.
याबाबत अधिक माहिती अशी कि, आज सकाळी नांदेड - वसमत ही बस (एमएच २० बीएल ३५९९) वसमत कडे निघाली. याच वेळी दुपारी १२ वाजेच्या दरम्यान यात संजय कांबळे, सुनील खरे व इंगोले हे एका दुचाकीवरून (क्र. एमएच २६ के २७५ ) वसमत कडे येत होते. वसमतजवळील चंदगव्हाण शिवारात त्यांनी दुचाकी समोरच्या बसच्या पुढे नेण्याच्या प्रयत्न केला.मात्र त्यांचा अंदाज चुकला आणि ते बसच्या मागील बाजूवर जोरदार धडकले. यात दुचाकीवरील संजय व सुनील जागीच ठार झाले. तर इंगोले याचा उपचारासाठी नांदेड येथे नेण्यात येत असताना मृत्यू झाला.