सतत कम्प्युटर स्क्रीनवर काम करणं, मोबाइलचा सतत उपयोग करणं, टीव्ही पाहणं किंवा वाचणं यांमुळे डोळे थकतात. तज्ज्ञांच्या मते, सतत डोळ्यांचा वापर करण्यापेक्षा उत्तम पर्याय म्हणजे, डोळ्यांना आराम देणं. जर तुमच्याही डोळ्यांना सतत काम करून थकवा जाणवत असेल तर आम्ही तुम्हाला काही टिप्स सांगणार आहोत, ज्यांमुळे डोळे रिलॅक्स होण्यास मदत होइल.
का थकतात डोळे?
डोळ्यांना थकवा जाणवणं एक सामान्य गोष्ट आहे. जर तुम्ही सतत वाचत असाल तर तुमचेही डोळे थकतात. याव्यतिरिक्त ऑफिसमध्ये सतत कंम्प्युटर स्क्रिनसमोर काम केल्यानेही डोळे थकतात. शॉपिंगपासून चॅटिंगपर्यंत मोबाइलवर अवलंबून राहिल्यामुळे आपल्या डोळ्यांना लाइटचा सामना करावा लागतो. ज्याचा त्यांच्यावर अत्यंत धोकादायक परिणाम होतो. या असतात समस्या
डोळ्यांना सर्वात जास्त जाणवणारी समस्या म्हणजे, धुरकट दिसणं. झोप पूर्ण न झाल्यामुळेही जर डोळ्यांना काम करावं लागलं तर ते लाल होतात. डोळ्यांमध्ये कोणत्याही प्रकारचा कचरा धूळ गेल्यामुळे डोळे लाल होतात. तसेच गॅजेट्सच्या प्रखर किरणांमुळे डोळ्यांमध्ये कोरडेपणा जाणवू लागतो. द हेल्थ साइटने दिलेल्या वृत्तानुसार, या सर्व समस्यांवर वेळीच उपचार केले नाहीत तर मात्र डोळ्यांची दृष्टी कम होण्याची शक्यता असते.
डोळ्यांचा थकवा कमी करण्यासाठी हे उपाय ठरतात फायदेशीर
जर तुम्ही सतत वाचन करत असाल तर तुम्हाला डोळ्यांसाठी पेन एक्सरसाइज करणं गरजेचं असतं. यामध्ये पेन किंवा पेन्सिल डोळ्यांच्या समोर हाताच्या अंतरावर ठेवा. त्यानंतर डाव्या आणि उजव्या बाजूला हळूहळू फिरवून त्यावर लक्ष केंद्रित करा. यामुळे डोळ्यांच्या व्यायाम होतो पण हा व्यायाम सकाळी करणं फायदेशीर ठरतं. कारण त्यावेळी डोळे थकलेले नसतात.
जर डोळ्यांना काम केल्यामुळे थकवा जाणवत असेल तर त्यांना लगेच आरामाची गरज असते. त्यासाठी डोळे बंद करून बसा. 10 मिनिटांपर्यंत यांना हाताच्या तळव्याच्या मदतीने बंद करा. डोळ्यांच्या बुबुळांवर दबाव नका टाकू. यामुळे डोळे रिलॅक्स होतील. कम्प्यूटरवर जर सतत काम करणार असाल तर ही एक्सरसाइज ट्राय करा.
प्रदूषण, कम्प्यूटर आणि टिव्हीची प्रखर किरणं, झोपण्याच्या आणि खाण्याच्या चुकीच्या सवयी, या सर्व आपल्या डोळ्यांसाठी अत्यंत हानिकारक असतात. विजन योगा केल्याने डोळ्यांना आराम मिळतो. तसेच डोळ्यांच्या मसल्सचा वर्कआउट होतो.