आरोग्य टिप्स | Health Tips in Marathi | Fitness, Beauty Tips & Diet Plan in Marathi | Sexual Health, Pregnancy & Parenting | Diseases & Home Remedies

Heart Attack Warning Signs : आजकाल हार्ट अॅटॅकच्या घटना खूप जास्त वाढल्या आहेत आणि अॅटॅक काही सांगून येत नाही. पण तरी सुद्धा हार्ट अॅटॅक येण्याआधी शरीर काही संकेत देतं. आरोग्य तज्ज्ञांच्या मते, हार्ट अॅटॅक येण्यापूर्वी शरीर आधीच अनेक संकेत देत असतं. हे संकेत योग्य वेळी ओळखून वेळीच मदत घेतली, तर व्यक्तीचा जीव वाचवता येऊ शकतो. हे संकेत कधी स्पष्ट तर कधी अस्पष्ट असतात, पण त्यांकडे दुर्लक्ष केल्यास परिणाम जीवघेणे ठरू शकतात. चला जाणून घेऊया, हार्ट अॅटॅक येण्यापूर्वी शरीर कसे संकेत देऊ लागतं.काम करताना श्वास घेण्यास त्रास होणेसाधी कामे करतानाही जसे की चालणे, पायऱ्या चढणे किंवा हलकं काम करताना जर श्वास भरून येत असेल आणि ही समस्या अलीकडेच सुरू झाली असेल, तर हा हृदय कमजोर असल्याचा संकेत असू शकतो. हृदय पुरेसं रक्त पंप करू शकत नाही, तेव्हा फुफ्फुसांपर्यंत पुरेसं ऑक्सिजन पोहोचत नाही आणि श्वास घेण्यास त्रास होतो. याला 'डिस्प्निया' म्हणतात आणि हे हार्ट फेल्युअर किंवा कोरोनरी आर्टरी डिजीजचं लक्षण असू शकतं.छातीत वेदना, दडपण किंवा अस्वस्थताहे हार्ट अॅटॅकचा सर्वात सामान्य लक्षण आहे. मात्र, नेहमीच तीव्र वेदना होत नाही. कधी छातीत जडपणा, जळजळ किंवा दाब जाणवू शकतो. हा त्रास कधी काखेत, जबड्यात, मानेला किंवा पाठीपर्यंत पसरू शकतो. आराम केल्यावर कमी होऊ शकतो, तर शारीरिक किंवा मानसिक ताणात वाढू शकतो. या लक्षणाची कधीही दुर्लक्ष करू नये.पाय सूजणे किंवा अचानक वजन वाढणेहृदय कमजोर झाल्यावर शरीरात द्रव जमा होतं, ज्यामुळे पाय, घोटे आणि पंजे सुजतात. तसेच काही दिवसांतच कोणत्याही कारणाशिवाय वजन वाढू शकतं. हे हार्ट फेल्युअरचं लक्षण आहे, कारण हृदय शरीराच्या अवयवांमधून रक्त योग्यप्रकारे परत खेचू शकत नाही.चक्कर येणे, बेशुद्ध पडणे किंवा धडधड वाढणेकाहीही कारण नसताना चक्कर येणे, डोकं हलकं होणे किंवा अचानक बेशुद्ध पडणे, म्हणजे मेंदूपर्यंत रक्त योग्य प्रमाणात पोहोचत नाही. त्याचप्रमाणे हृदयाचे ठोके खूप वेगाने, खूप मंद किंवा अनियमित होणे हेही हृदयाच्या विद्युत प्रणालीतील गडबडीचे संकेत आहेत. हे लक्षण "अॅरिथमिया"शी संबंधित असू शकतात.अजीबात न समजणारी कमजोरी किंवा थकवाकाहीही विशेष काम न करता अचानक खूप थकवा जाणवणे, खासकरून महिलांमध्ये हार्ट अॅटॅकचे लक्षण असू शकते. हा थकवा आराम केल्यावरही जात नाही. कारण हृदयाच्या स्नायूंना पुरेसं रक्त मिळत नाही आणि त्यामुळे शरीराच्या इतर अवयवांपर्यंतही पुरेसं ऑक्सिजन पोहोचत नाही. त्यामुळे व्यक्ती सतत थकलेली असते.

Health (Marathi News)

लहान मुलांवर सोशल मीडियाच्या होणाऱ्या नकारात्मक परिणामांबद्दल बऱ्याच काळापासून चर्चा सुरू आहे. ...

Constipation Solution : सकाळी गरम पाण्यात तूप मिसळून पिणे हा एक सोपा आणि प्रभावी आयुर्वेदिक उपाय मानला जातो. ...

Why waste the beautiful basil seeds? Store basil seeds - there will be no disease in the house. See the solution : तुळशीचे बी, मंजिरी वाया घालवू नका. पाहा काय करायला हवे. ...