कोरोना व्हायरसची लागण झालेल्या रुग्णांच्या रक्तात होताहेत गुठळ्या, रिसर्चमध्ये धक्कादायक खुलासा

Corona Virus : कोरोना व्हायरसबाबत आता एक मोठा खुलासा झाला आहे.

कोरोना व्हायरसबाबत आता एक मोठा खुलासा झाला आहे. शास्त्रज्ञांना लाँग कोविड रुग्णांच्या रक्तात लहान गुठळ्या आणि रोगप्रतिकारक शक्तीशी संबंधित बदल आढळले आहेत, काही लोक कोरोना इन्फेक्शननंतर सर्दी, घसा खवखवणं, खोकला किंवा तापाचा सामना करतात. बरेच रुग्ण थकवा, ब्रेन फॉग, अंगदुखी आणि श्वास घेण्यास त्रास यासारख्या दीर्घकालीन समस्यांनी ग्रस्त असतात. याला लाँग कोविड म्हटलं जातं.

शास्त्रज्ञांनी आता लाँग कोविड रुग्णांमध्ये दोन महत्त्वाचे बदल पाहिले आहेत. रक्तातील माइक्रोक्लॉट्स आणि न्यूट्रोफिल नावाच्या रोगप्रतिकारक पेशींमध्ये बदल होतो. मायक्रोक्लोट्स हे रक्तात फिरणाऱ्या क्लॉटिंग प्रोटीनच्या गुठल्या आहेत, ज्या आधी कोरोना रुग्णांच्या नमुन्यांमध्ये आढळून आलं.

रिसर्चमध्ये असंही आढळून आलं की, न्यूट्रोफिल नावाच्या व्हाईट ब्लड सेल्स लाँग कोविड रुग्णांमध्ये विशिष्ट बदल घडवून आणतात. या बदलामुळे ते डीएनमधून बाहेर येऊन संरचना बनवण्यासाठी पुढे जाण्याचं काम करतात. याला न्यूट्रोफिल एक्स्ट्रासेल्युलर ट्रॅप्स म्हटलं जातं, जे इन्फेक्शन शोधून नष्ट करण्यास मदत करतात.

शास्त्रज्ञांचा असा विश्वास आहे की, काही कोरोना रुग्णांमध्ये मायक्रोक्लोट्स आणि NETs मधील इंटरॅक्शन शरीरात अशा प्रतिक्रियांची सीरीज सुरू करतात, जे नंतर लाँग कोविडचं कारण ठरतं. मायक्रोक्लोट्स NETs च्या निर्मितीला प्रोत्साहन देतात, ज्यामुळे जळजळ आणि रक्ताच्या गुठळ्यांशी संबंधित समस्या वाढतात, ज्यामुळे लाँग कोविडची लक्षणं दिसतात.

लाँग कोविड रुग्णांच्या प्लाझ्माच्या संरचनात्मक विश्लेषणातून निरोगी व्यक्तींच्या तुलनेत मायक्रोक्लोट्स आणि NETs चे प्रमाण लक्षणीयरीत्या जास्त असल्याचं दिसून आलं. अभ्यासात असेही दिसून आलं की रुग्णांचे मायक्रोक्लोट्स आकाराने मोठे होते. अभ्यासाचे लेखक अलेन थियरी यांच्या मते, "या शोधावरून असं सूचित होतं की, मायक्रोक्लोट्स आणि NETs मध्ये काही शारीरिक प्रक्रिया चालू आहेत, ज्या नियंत्रणाबाहेर गेल्यास आजार होऊ शकतात."

रिसर्च रिसिया प्रिटोरियस यांनी स्पष्ट केलं की हा इंटरॅक्शन मायक्रोक्लोट्सना शरीराच्या नैसर्गिक क्लॉट-ब्रेकिंग प्रक्रियेपासून वाचवू शकतो, ज्यामुळे ते जास्त काळ रक्तात राहू शकतात आणि रक्तवाहिन्यांशी संबंधित समस्या निर्माण करू शकतात. जर्नल ऑफ मेडिकल व्हायरोलॉजीमध्ये प्रकाशित झालेल्या एका अभ्यासात, शास्त्रज्ञांनी नोंदवले आहे की NETs ची जास्त निर्मिती मायक्रोक्लोट्सना अधिक स्थिर बनवतं, जे लाँग कोविडच्या लक्षणांमध्ये योगदान देऊ शकतं.