Know about Corona virus and sars virus in china | Corona Virus : चीनमध्ये कोरोना व्हायरसमुळे अनेकांंनी गमावला जीव, भारतातही अलर्ट जारी!
Corona Virus : चीनमध्ये कोरोना व्हायरसमुळे अनेकांंनी गमावला जीव, भारतातही अलर्ट जारी!

चीनमध्ये सध्या कोरोना नावाच्या एका व्हायरसने थैमान घातले आहे. या व्हायरसमुळे अनेक लोकांना आपला जीव गमवावा लागला आहे. चीनचे राष्ट्रपती शी जिनपिंग यांनी या व्हायरसवर कंट्रोल मिळवण्याचे आदेश दिले आहेत. 

चीनमध्ये हा व्हायरस पसरल्यानंतर भारत, अमेरिकासहीत अनेक देशांमध्ये सार्स व्हायरससाठी अलर्ट जारी केला आहे. लॉस एन्जेलिस टाइम्सच्या वृत्तानुसार, चीननंतर हा घातक व्हायरसने  थायलॅंड आणि जपानमध्येही आपले पाय पसरले आहेत. वर्ल्ड हेल्थ ऑर्गनायझेशनच्या एका रिपोर्टनुसार, हा व्हायरस वेगाने पसरत आहे आणि आतापर्यंत ६५ लोकांचा याने जीव गेला आहे.

चीनसोबतच भारत सरकारनेही कोरोना व्हायरसबाबत दुजोरा दिला आहे. भारतात हा व्हायरस पसरू नये यासाठी एअरपोर्टवर प्रवाशांची मेडिकल टेस्ट केली जात आहे. यूएस नॅशनल लायब्ररी ऑफ मेडिसिननुसार, Severe acute respiratory syndrome किंवा SARS निमोनियाचं घातक रूप आहे. चला जाणून घेऊ या कोरोना व्हायरसबाबत....

सी-फूड ठरू शकतं कारण

वर्ल्ड हेल्थ ऑर्गनायझेशननुसार, कोरोना व्हायरस सी-फूडसंबंधी एक आजार आहे. हा आजार चीनमध्ये सी-फूड बाजारातून पसरला आहे. हा व्हायरस उंट, मांजर, वटवाघूळसहीत अनेक प्राण्यांमध्ये पसरल्यानंतर मनुष्यांमध्ये वेगाने पसरतो.

या व्हायरसची लक्षणे निमोनियासारखीच आहेत. कोरोना व्हायरसने संक्रमित रूग्णाला सर्वातआधी श्वास घेण्याची समस्या होते. त्यासोबतच आणखीही काही लक्षणे बघायला मिळतात. जसे की, घशात वेदना किंवा जळजळ होणे, सर्दी, खोकला, ताप आणि किडनीशी संबंधित समस्याही होऊ शकतात.

कोरोना व्हायरसवर उपचार

सध्या तरी कोरोना व्हायरसपासून बचावासाठी कोणत्याही प्रकारचं वॅक्सीन उपलब्ध नाही. या व्हायरसने पीडित लोकांवर इतर औषधांच्या माध्यमातून उपचार केले जात आहेत. वैज्ञानिक या व्हायरसला नष्ट करण्यासाठी वॅक्सीन आणि उपचारावर काम करत आहेत.

काय टाळावे?

- कोरोना व्हायरस सी फूडच्या माध्यमातून पसरतो. त्यामुळे शक्य असल्यास सध्या सी फूड खाणे टाळावे.

- बाहेर किंवा ऑफिसमध्ये लोकांशी हात मिळवणे टाळावे. कुणाशी हात मिळवले तर हात स्वच्छ धुवावे.

- आजार लोकांच्या संपर्कात येणे टाळा. खासकरून ज्यांना खोकला, ताप किंवा सर्दी-खोकला झालाय.

- घराबाहेर निघताना तोंडाला कापडाने झाकावे. शक्य असेल तर तोंडावर मास्क लावा.


English summary :
What is Coronavirus and SARS Virus ? How to prevent Coronavirus ? know more about it. Also find news around it in Marathi. Stay updated.

Web Title: Know about Corona virus and sars virus in china

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.