दवनीवाडा तालुका कधी घोषित होणार?

गोंदिया जिल्ह्याला निर्मिती होऊन १५ वर्ष होत आहेत.

परसवाडा : गोंदिया जिल्ह्याला निर्मिती होऊन १५ वर्ष होत आहेत.परंतु त्या अगोदरची जूनी मागणी दवनीवाडाला तालुका घोषीत करण्याची मागणी आहे. परंतु या दवनीवाडाला तालुक्याचा दर्जा देण्याची मागणी असणारी फाईल धुळखात शासन दरबारी पडली आहे.

सडक/अर्जुनी व भंडारा जिल्ह्यातील लाखनी येथे नविन तहसील देऊन कामाला सुरूवात झाली. परंतु यापुर्वीची मागणी असूनही दवनीवाड्याला तालुक्याचा दर्जा मिळाला नाही. दवनीवाडा तालुका घोषीत करण्यात यावा यासाठी तिरोडा पंचायत समितीने ठराव ६ जून १९८५ ला व भंडारा जिल्हा येत असल्यामुळे जि.प. भंडारा जिल्ह्यात समावेश असताना सर्वसाधारण सभेत ५ नोव्हेंबर १९९६ ला घेण्यात आला. तत्कालीन जि.प. अध्यक्ष टोलसिंग पवार यांच्या अध्यक्षतेखाली कृष्णकुमार जायस्वाल तत्कालीन जि.प. सदस्य यांनी मुद्दा उपस्थित केला. त्यांना अनुमोदन म्हाडाचे सभापती व तत्कालीन सदस्य नरेश माहेश्‍वरी, तत्कालीन सदस्य केशव मानकर, पुरूषोत्तम वशिष्ट सदस्यांनी मुद्दा सभागृहात एकमताने पारीत करून घेतला. गोंदिया पंचायत समिती ठराव ६ सप्टेंबर २00५ व १३ डिसेंबर १९९0 ला तत्कालीन मुख्यमंत्री शरदचंद्र पवार यांनी दवनीवाडा तालुका निर्माणचा ठराव पत्र मिळाल्याचे पत्र तत्कालीन हरीश मोरे यांना व समितीला दिले होते. दवनीवाडा तालुक्यासाठी केशोराव पारधी यांचे महसूल मंत्री यांना पत्र १६ जुलै १९८५, राजकुमारी बाजपेई यांचे पत्र भाई सावंत मंत्री यांना २१ जानेवारी १९८६ ला, शरद पवार यांचे पत्र २0 ऑगस्ट १९९0, रजिन देशमुख यांचे हरिष मोरे यांना पत्र २३ ऑगस्ट १९९0, केवलचंद जैन यांचे पत्र सुधाकर नाईक मंत्री यांना ७ सप्टेंबर ९0, चुन्नीलाल ठाकुर यांचे मुख्यमंत्री यांना १२ डिसेंबर १९९0, हरिहरभाई पटेल यांचे पत्र मुख्यमंत्री यांना १२ डिसेंबर १९९0, छेदीलाल गुप्ता यांना आमदाराचे पत्र १३ डिसेंबर ९0, शरद पवार यांचे पुन्हा पत्र १३ डिसेंबर ९0, खुशाल बोपचे खासदार असताना ५ मार्च ९१, प्रफुल पटेल खासदार असताना बाळा साहेब केदार मंत्री यांना ८ सप्टेंबर २0१२, माजी आ.भैय्यालाल पटले यांचे २४ एप्रिल ९३ ला सिफारस पत्र, हरिश मोरे आमदार असताना विलासराव देशमुख यांना ३१ जुलै ९३, विलासराव देशमुख यांचे पत्र हरिश मोरे यांना २९ नोव्हेंबर ९४, मुख्यमंत्री शरद पवार असताना हरिश मोरे ला पत्र ६ डिसेंबर ९४, विलास मुत्तेमवार केंद्रीय मंत्री असताना महसूल मंत्री यांना २६ नोव्हेंबर ९५ ला पत्र, भजनदास वैद्य यांचे महसूल मंत्री यांना १३ डिसेंबर ९५, रमेश कुथे यांचे मनोहर जोशी यांना १0 मार्च ९६ ला, भजनदास वैद्य आमदार असताना नारायण राणे महसूल मंत्री यांना १६ डिसेंबर ९६ वैद्य यांचे जिल्हाधिकारी यांना ३ डिसेंबर ९८ व महादेवराव शिवणकर पालकमंत्री असताना ४ डिसेंबर ९८ वैद्य यांचे नारायण राणेला पुन्हा १८ डिसेंबर ९८, रमेश कुथे यांचे ही राणेला २२ डिसेंबर ९८, आर.आर. पाटील ग्राम विकास मंत्री असताना १३ डिसेंबर २000 राजेंद्र जैन यांचे १४ डिसेंबर २0१0, प्रफुल पटेल वाहतूक मंत्री असताना १४ डिसेंबर २0१0, पटेल यांचे पृथ्वीराज चव्हाण यांना ९ जुलै २0१३ बाळासाहेब थोरात यांना ही पत्र देण्यात आले पण निराशाच हाती आली. दवनीवाडाला आठवड्यातून दोन दिवस नायब तहसीलदाराचे कार्यालय उघडण्यात येतील असे सांगण्यात आले होते. पण तेही फक्त कागदोपत्रीच राहिले. (वार्ताहर)