बलात्कार प्रकरणातील नराधमाला २१ वर्षाचा सश्रम कारावास

देवरी येथील वॉर्ड क्रमांक ९ मध्ये राहणारा आरोपी अश्विन उर्फ सोनू विठ्ठल मेश्राम (२९) याने साडेचार वर्षाच्या चिमुकलीवर अत्याचार केला. चिमुकली अंगणात खेळत असतांना तिला चॉकलेटचे आमिष देऊन आपल्या घरी नेले. तिच्यावर बळजबरी केली. आरोपीने त्या पिडीतेला दोन-चार वेळा चॉकलेट देण्याचे आमिष देऊन आपल्याकडे बोलावले होते. परंतु ती गेली नव्हती. परंतु आरोपीने संधी पाहून तिला आपल्या घरी नेले. तिच्यावर अत्याचार केला.

ठळक मुद्देजिल्हा सत्र न्यायालयाचा निकाल : पीडितेला ५० हजार रूपये मदत देण्याचे आदेश

लोकमत न्यूज नेटवर्क
गोंदिया : देवरीच्या वॉर्ड क्र.९ येथील आरोपीने साडेचार वर्षाच्या चिमुकलीवर १ जून २०१९ रोजी सकाळी ७.३० वाजता बलात्कार केला होता. या प्रकरणातील नराधमाला जिल्हा सत्र न्यायालयाने शुक्रवारी २१ वर्षाच्या सश्रम कारावास व ७५ हजार रूपये दंडाची शिक्षा सुणावली आहे. या दंडाच्या रकमेतील ५० हजार रूपये पिडीतेला द्यावे. दंड न भरल्यास ३ वर्षाचा अतिरिक्त कारावास जिल्हा सत्र न्यायालयाने ठोठावला आहे.
देवरी येथील वॉर्ड क्रमांक ९ मध्ये राहणारा आरोपी अश्विन उर्फ सोनू विठ्ठल मेश्राम (२९) याने साडेचार वर्षाच्या चिमुकलीवर अत्याचार केला. चिमुकली अंगणात खेळत असतांना तिला चॉकलेटचे आमिष देऊन आपल्या घरी नेले. तिच्यावर बळजबरी केली. आरोपीने त्या पिडीतेला दोन-चार वेळा चॉकलेट देण्याचे आमिष देऊन आपल्याकडे बोलावले होते. परंतु ती गेली नव्हती. परंतु आरोपीने संधी पाहून तिला आपल्या घरी नेले. तिच्यावर अत्याचार केला. यासंदर्भात मुलीच्या आईच्या तक्रारीवरून आरोपी नराधमावर देवरी पोलिसांनी भादंविच्या कलम ३७६ (ए,बी), बाल लैंगीक अत्याचार अधिनियमाचे कलम ६, १० अन्वये गुन्हा दाखल केला होता. याप्रकरणाचा तपास देवरीचे उपविभागीय पोलीस अधिकारी प्रशांत ढोले यांनी केला होता. न्यायालयात १५ साक्षदार तपासण्यात आले. आज (दि.७) रोजी प्रमुख जिल्हा सत्र न्यायाधीश सुहास माने यांनी या प्रकरणावर सुनावणी केली. जिल्हा सरकारी वकील अ‍ॅड. महेश चांदवानी यांनी काम पाहिले. या घटनेला घेऊन देवरी येथील नागरिक पुढे आले होते. तीन दिवस बंद पुकारून आरोपीला त्वरीत शिक्षा व्हावी यासंदर्भात निवेदन देण्यात आले होते. त्यामुळे निकालाकडे देवरीवासीयांचे लक्ष होते.

२५२ दिवसात आला निकाल
बाल लैंगीक अत्याचाराच्या घटनांकडे शासनाचे विशेष लक्ष आहे. देवरी येथे घडलेला गुन्हा ते न्यायालयाकडून दिलेला निर्णय हे एकंदरीत २५२ दिवसात हा निकाल देण्यात आला आहे. जिल्हा सत्र न्यायालयाने त्वरीत दिलेल्या निकालामुळे आनंद व्यक्त केला जात आहे.