रानडुकराच्या हल्ल्यात शेतकरी ठार

भुसराम मेश्राम हे बुधवारी दुपारी ३ वाजताच्या सुमारास शेतात पिकाची पाहणी करण्यासाठी गेले होते.

गोंदिया : शेतात पिकाची पाहणी करण्यासाठी गेलेल्या शेतकºयावर दबा धरुन बसलेल्या रानडुकराने अचानक हल्ला करुन ठार केल्याची घटना आमगाव तालुक्यातील किकरीपार येथे बुधवारी (दि.१) सायंकाळच्या सुमारास उघडकीस आली. भुसराम साधू मेश्राम (५५) रा.किकरीपार असे रानडुकराच्या हल्ल्यात ठार झालेल्या शेतकºयाचे नाव आहे.

प्राप्त माहितीनुसार भुसराम मेश्राम हे बुधवारी दुपारी ३ वाजताच्या सुमारास शेतात पिकाची पाहणी करण्यासाठी गेले होते. मात्र सायंकाळी उशीरापर्यंत ते घरी न परतल्याने त्यांच्या कुटुंबीयांनी काळजीपोेटी शेतात जावून पाहणी केली असता भुसारराम हे रक्ताच्या थारोळ्यात मृतावस्थेत आढळले. याची माहिती गावकºयांना होताच त्यांनी भुसाराम मेश्राम यांच्या शेताकडे धाव घेतली. तसेच याची माहिती वन विभागाचे अधिकारी आणि आमगाव पोलीस स्टेशनला दिली. माहिती मिळताच वन विभागाच्या अधिकाºयांनी घटनास्थळी धाव घेत पंचनामा करुन मृतदेह उत्तरीय तपासणीसाठी पाठविला.