जिल्ह्यातील १० वाळूघाटांचा ई-लिलाव

महसूल व वनविभागाच्या ३ सप्टेंबर २०१९ च्या शासन निर्णयानुसार सन २०२०-२१,

२०२१-२२ व २०२२-२३ या ३ वर्षांकरीता जिल्ह्यातील राज्यस्तरीय पर्यावरण प्राधिकरणाच्या अधीन

राहून मान्यताप्राप्त एकूण १० वाळूघाटांचा ई-निविदा व ई-लिलाव पध्दतीने करावयाचे असल्याने वाळूघाटांची

रजिस्ट्रेशन (नोंदणी) २३ जानेवारीपासून ऑनलाइन पध्दतीने सुरू झाली आहे. २ फेब्रुवारी रोजी सायंकाळी

६ वाजता ऑनलाइन नोंदणी बंद होणार असून ३ फेब्रुवारी रोजी सकाळी १० वाजेपासून ई-निविदा ऑनलाइन

पध्दतीने जमा करणे सुरू होईल. ८ फेब्रुवारी सायंकाळी ६ वाजता ई-निविदा ऑनलाइन पध्दत बंद होणार व ९ फेब्रुवारी रोजी प्रत्येक वाळूघाटाच्या ई-निविदा डाऊनलोड करून जिल्हाधिकारी कार्यालयातील सभागृहात

उघडण्यात येईल.

वाळूघाटाच्या लिलावासंबंधी अटी व शर्ती वाळूघाट यादी व इतर माहिती संकेतस्थळावर प्रसिध्द करण्यात आली आहे.

ई-निविदा व ई-लिलावबाबत प्रशिक्षण गुरूवारी (दि.२८) दुपारी १ वाजता जिल्हाधिकारी

कार्यालयातील सभागृहात आयोजित करण्यात आले आहे. इच्छूक कंत्राटदारांनी प्रशिक्षणास उपस्थित राहावे,

असे अपर जिल्हाधिकारी राजेश खवले यांनी कळविले आहे.