सावधान ! वैधता तपासूनच घ्या

ग्राहक जागृतीसाठी सर्व स्तरावर प्रयत्न होत आहेत. मात्र, असे असतानाही काही बाबी यातून सुटताना दिसतात. दैनंदिन वापरातील घरगुती सिलिंडरच्या बाबतीत ग्राहकांत कमालीची अनिभज्ञता दिसून येते.

गोंदिया : ग्राहक जागृतीसाठी सर्व स्तरावर प्रयत्न होत आहेत. मात्र, असे असतानाही काही बाबी यातून सुटताना दिसतात. दैनंदिन वापरातील घरगुती सिलिंडरच्या बाबतीत ग्राहकांत कमालीची अनिभज्ञता दिसून येते. प्रत्येक वस्तूची कालर्मयादा ठरलेली असून सिलिंडरलाही ती आहे. ही बाब कुणीच गांभिर्याने घेत नाही. आॅईल कंपन्यांपासून वितरकांपर्यंत सर्वांचेच याकडे दुर्लक्ष होत आहे. पुरवठा विभागाच्याही अखत्यारितील ही बाब नाही. यामुळे ग्राहकांनी जागरूकता बाळगणे गरजेचे झाले आहे.
दैनंदिन जीवनातील अत्यावश्यक बाब झालेल्या सिलिंडरचा पुरवठा आणि वापराबाबतचे नियम ग्राहकांना माहितीच असेल याची शाश्वती नाही. या नियमांबाबत ग्राहकांना माहिती देण्याचे काम गॅस कंपन्यांचे आहे. मात्र याची अंमलबजावणी कितपत होते, यावर प्रश्नचिन्ह उभे राहते.
सिलिंडरला एक्सपायरी डेट असते, हे अनेकांना माहितीच नाही. गोंदिया शहरात गॅसधारकांची संख्या ५० हजारावर आहे. प्रत्येक उत्पादनाला जशी निर्मितीची तारीख असते तसेच ते उत्पादन किती दिवसांपर्यंत वापरण्यायोग्य आहे, याचाही अवधी त्या उत्पादनावर नोंदविलेला असतो. घरगुती आणि व्यावसायिक वापरात असलेल्या गॅस सिलिंडरच्या बाबतीतही असेच आहे.
गॅस सिलिंडरच्या बाबतीत सुरक्षेचे काही मापदंड आहेत. वितरक आणि गॅस एजन्सीच्या भाषेत सिलिंडरची एक्सपायरी डेट यालाच ‘ड्यु फॉर फिलिकल टेस्टिंग’ असे म्हणतात. परंतु, सर्वसामान्यांच्या भाषेत याला ‘एक्सपायरी डेट’ असेच म्हणतात.
नवीन सिलिंडर घरी किंवा व्यवसायासाठी आणल्यानंतर त्याची पुनर्तपासणी करून घेतल्यास भविष्यात होणारा अपघात टाळता येईल. मात्र, शहरी व ग्रामीण भागात याविषयी अनिभज्ञता असून जागृतीची गरज आहे. विशेष म्हणजे कोणीही गॅस वितरक याविषयी ग्राहकांना सांगत नसल्यामुळे यापासून बहुतांश ग्राहक अनभिज्ञ आहेत. यातूनच अनेक वेळा सिलींडरचा स्फोट किंवा गळती होण्याचे प्रकार घडतात. (जिल्हा प्रतिनिधी)
अशी ओळखावी एक्सपायरी डेट
सिलिंडरवर असलेल्या एक्सपायरी डेटची माहिती मिळावी याकरिता वर्षाची चार भागात विभागणी करण्यात आली आहे. महिन्याची ओळख होण्याकरिता ए, बी, सी, डी असे चार भाग केले जातात. एका भागात तीन महिन्यांचा समावेश आहे. जसे ए-१५ असल्यास २०१५ मध्ये जानेवारी ते मार्च मिहन्याच्या काळात या सिलिंडरची कालर्मयादा संपणार, असे समजावे.