जिल्ह्यातील ९० टक्के विद्यार्थ्यांचे आधार अपडेट ()

नरेश रहिले

गोंदिया : सर्व विद्यार्थ्यांचे आधार कार्ड सरल प्रणालीमध्ये अपडेट करायचे आहे. यासाठी प्राथमिक, माध्यमिक व उच्च माध्यमिक या तीन विभागाने २ लाख १० हजार ९१४ विद्यार्थ्यांचे आधार कार्ड अपडेट झाले आहेत. गोंदिया जिल्ह्यातील ९०.६५ टक्के आधार कार्ड अपडेट झाले असून ९.३५ टक्के विद्यार्थ्यांचे आधार कार्ड अपडेट झालेले नाही. विद्यार्थ्यांच्या घरी जाऊन शिक्षकांनी आधार कार्ड गोळा केले.

गोंदिया जिल्हा परिषदेने सर्व विद्यार्थ्यांचे आधार कार्ड अपडेट करण्याची मोहीम हाती घेतली आहे. यात गोंदिया जिल्ह्यात प्राथमिकच्या १२५२ शाळा असून या शाळात १ लाख ५१ हजार ६९२ विद्यार्थी आहेत. यापैकी १ लाख ३८ हजार ३६५ विद्यार्थ्यांचे आधार कार्ड अपडेट करण्यात आले आहे. १३ हजार ३२७ विद्यार्थ्यांचे आधार कार्ड अपडेट नाही. प्राथमिक विभागातील ९१.२१ टक्के विद्यार्थ्यांचे आधार कार्ड अपडेट आहेत तर ८.७९ टक्के विद्यार्थ्यांचे आधार कार्ड अपडेट नाही. माध्यमिकच्या १८१ शाळा असून या शाळांत ४१ हजार ८५८ विद्यार्थी आहेत. यापैकी ३७ हजार १५८ विद्यार्थ्यांचे आधार कार्ड अपडेट करण्यात आले आहे. ४ हजार ७०० विद्यार्थ्यांचे आधारकार्ड अपडेट नाही. माध्यमिक विभागातील ८८.७७ टक्के विद्यार्थ्यांचे आधार कार्ड अपडेट आहे तर ११.२३ टक्के विद्यार्थ्यांचे आधारकार्ड अपडेट नाही. उच्च माध्यमिकच्या २३० शाळा असून या शाळांत ३९ हजार १०७ विद्यार्थी आहेत. यापैकी ३५ हजार ३९१ विद्यार्थ्यांचे आधार कार्ड अपडेट करण्यात आले आहे. ३ हजार ७१६ विद्यार्थ्यांचे आधार कार्ड अपडेट नाही. उच्च माध्यमिक विभागातील ९०.५० टक्के विद्यार्थ्यांचे आधार कार्ड अपडेट आहे तर ९.५० टक्के विद्यार्थ्यांचे आधार कार्ड अपडेट नाही.

...........................................

२१७४३ विद्यार्थ्यांचे आधार कधी होणार अपडेट?

गोंदिया जिल्ह्यात एकूण १६६३ शाळा असून या शाळांत २ लाख ३२ हजार ६५७ विद्यार्थी आहेत. यापैकी २ लाख १० हजार ९१४ विद्यार्थ्यांचे आधार कार्ड अपडेट करण्यात आले आहे. २१ हजार ७४३ विद्यार्थ्यांचे आधारकार्ड अपडेट नाही. जिल्ह्यातील ९०.६५ टक्के विद्यार्थ्यांचे आधार कार्ड अपडेट आहे तर ९.३५ टक्के विद्यार्थ्यांचे आधारकार्ड अपडेट नाही. ते कधी होणार असा सवाल उपस्थित होत आहे.

.............

जिल्ह्यातील विद्यार्थ्यांचे आधार नोंदणी प्रमाण

जिल्ह्यातील विद्यार्थ्यांचे आधार अपडेट- ९०.६५ टक्के

प्राथमिक विभाग-९१.२१ टक्के

माध्यमिक विभाग-८८.७७ टक्के

उच्च माध्यमिक विभाग-९०.५० टक्के