लोकमत न्यूज नेटवर्क, पणजी : सामाजिक कार्यकर्ते रामा काणकोणकर यांची प्रकृती अजूनही अस्थिर आहे, असे त्यांच्या पत्नी रती काणकोणकर यांनी सांगितले. रामा यांना अजूनही दृष्टीदोष, वारंवार डोकेदुखी, वेदना आणि बोलण्यात अडचण यासारख्या समस्यांना तोंड द्यावे लागत आहे त्यामुळे ते नीटपणे बोलू शकत नाहीत असे त्यांनी पणजी पोलीस स्थानकाजवळ पत्रकारांशी बोलताना सांगितले.
रती काणकोणकर म्हणाल्या की, हल्ल्याचा आघात अजूनही कायम आहे, ज्यामुळे त्यांच्या मानसिक आरोग्यावर लक्षणीय परिणाम होतो. उपचार सुरू असूनही, त्यांच्या प्रकृतीत सुधारणा खूपच मंदगतीने होत आहे आणि ते मानसिकदृष्ट्या पूर्णपणे बरे झालेले नाहीत.
१८ सप्टेंबर रोजी रामा काणकोणकर यांच्यावर दिवसाढवळ्या क्रूर हल्ला करण्यात आला होता, ज्यामुळे ते जबर जखमी झाले होते. डोक्यात रक्ताच्या गाठी होण्यासह गंभीर दुखापत झाली होती. त्यांच्या पत्नीने राज्यपाल पुसापती अशोक गजपती राजू यांची भेट घेऊन या प्रकरणात लक्ष घालण्याची विनंती केली होती.
रक्ताच्या गाठी असल्या तरी धोका नाही
रामा काणकोणकर यांच्या पत्नी रती काणकोणकर यांनी रामा यांच्या डोक्यात रक्ताच्या गाठी झाल्याचे सांगितले होते. गोवा वैद्यकीय महाविद्यालयातील सूत्रांकडून मिळालेल्या माहितीनुसार रक्ताच्या गाठी झाल्याच्या वृत्ताला दुजोरा दिला आहे. मात्र या गाठी लहान असल्यामुळे ते धोक्याबाहेर असल्याचे सांगितले. तसेच उपचाराने त्या गाठी निघून जातील असेही सांगितले आहे.
Web Summary : Social activist Rama Kanconkar's health remains unstable after a brutal attack. He faces vision problems, headaches, and speech difficulties. His wife reports slow progress and mental health concerns following the incident on September 18th. Doctors say blood clots are small and treatable.
Web Summary : सामाजिक कार्यकर्ता रामा काणकोणकर पर हमले के बाद भी हालत नाजुक बनी हुई है। पत्नी के अनुसार, उन्हें देखने में परेशानी, सिरदर्द और बोलने में दिक्कत हो रही है। 18 सितंबर को हुए हमले के बाद मानसिक स्वास्थ्य भी प्रभावित है। डॉक्टरों का कहना है कि खून के थक्के छोटे हैं और इलाज योग्य हैं।