२०२७ गोवा विधानसभा निवडणुकीसाठी शिंदे शिवसेनेची मोर्चेबांधणी; पूर्ण ताकदीने स्वबळावर लढणार!

गोव्यातील आगामी विधानसभा निवडणूक पूर्ण ताकदीनिशी आणि स्वबळावर लढण्याचे स्पष्ट संकेत दिले आहेत.

लोकमत न्यूज नेटवर्क, डिचोली: आगामी २०२७ च्या गोवा विधानसभा निवडणुकीसाठी शिंदे शिवसेना पक्षाने आतापासूनच कंबर कसली आहे. मुख्य नेते तथा महाराष्ट्राचे उपमुख्यमंत्री एकनाथ शिंदे यांच्या आदेशानुसार, गोव्यात शिवसेनेने स्वबळावर निवडणूक लढवण्याचा निर्धार घेतला असून पक्षाच्या संघटनात्मक बांधणीला गती देण्यात येत असल्याची माहिती राज्यप्रमुख उपेंद्र गावकर आणि राज्य सचिव काशिनाथ मयेकर यांनी दिली.

पक्ष प्रमुख तथा महाराष्ट्राचे उपमुख्यमंत्री शिंदे यांनी गोव्यातील आगामी विधानसभा निवडणूक पूर्ण ताकदीनिशी आणि स्वबळावर लढण्याचे स्पष्ट संकेत दिले आहेत.

या आदेशाची अंमलबजावणी करण्यासाठी राज्यप्रमुख आणि सचिवांनी आतापासूनच संभाव्य उमेदवारांची चाचपणी सुरू केली असून, जनसंपर्क वाढवण्यावर भर दिला आहे, असेही या पत्रकार परिषदेत गावकर यांनी सांगितले.

राज्य संपर्क नेते गजानन कीर्तीकर, मुख्य सल्लागार डॉ. श्रीकांत शिंदे आणि संपर्कप्रमुख सुभाष सावंत यांच्या थेट मार्गदर्शनाखाली राज्यातील विविध तालुका आणि मतदारसंघांसाठी नवीन पदाधिकाऱ्यांच्या नियुक्त्या जाहीर करण्यात आल्याचेही सांगण्यात आले.

दक्षिण व उत्तर जिल्हा सुनील सांतिनेजकर व प्रमुख गणबा देसाई व संघटनांच्या यांच्या मदतीने संपूर्ण गोव्यात पक्षविस्तार करण्यात येत आहे.

नवनियुक्त प्रमुख पदाधिकारी: उत्तर जिल्हा उपप्रमुख-अॅड. अर्जुन गवंडी, दक्षिण जिल्हा उपप्रमुख सुहास खांडेकर. तालुका आणि विभाग स्तरावरी. तालुकाप्रमुख -अनिल नाईक (डिचोली), प्रशांत शेट (बार्देश), दिवाकर आरोलकर (पेडणे), गजानन मुदगेकर (तिसवाडी), प्रताप नाईक (फोंडा), दिनेश नाईक (सांगे), विश्वानंद नाईक (धारबांदोडा), ओंकार आदील (केपे). विभाग प्रमुख : योगेश आखाडकर (पेडणे), किशोर फडते (पर्वरी), अनंत कारेकर (साखळी), शाखा प्रमुख - रामदास गोवेकर (पर्वरी). महाराष्ट्राचे उपमुख्यमंत्री एकनाथ शिंदे यांच्या आदेशानुसार शिवसेना गोव्यात आगामी २०२७ ची विधानसभा निवडणूक 'स्वबळावर लढणार असल्याचे सांगण्यात आले.