Latest Global Maharastra News | Global Maharastra Marathi News | Latest Global Maharastra News in Marathi | ग्लोबल महाराष्ट्र: ताज्या मराठी बातम्या

नवी दिल्ली : देशाच्या राज्यघटनेपासून समृद्ध इतिहासापर्यंत महाराष्ट्राने देशाला खूप काही दिले. महाराष्ट्राच्या विविध कला, संस्कृतीसह देश व जगातल्या मराठी माणसांना जोडण्यासाठी राजधानीत ‘पुढचे पाऊल’ संस्थेच्या निमित्ताने महाराष्ट्राचा जागर सुरू होणे, ही अत्यंत अभिमानाची बाब आहे. जगभर पसरलेली महाराष्ट्र मंडळे जोडून, मराठी अस्मितेचा झेंडा साऱ्या विश्वात फडकवण्याचे मोठे स्वप्न परराष्ट्र मंत्रालयाचे सचिव ज्ञानेश्वर मुळेंनी पाहिले आहे. महाराष्ट्र सरकार अशा उपक्रमांच्या समर्थपणे साथ देईल, अशी ग्वाही, राज्याचे महसूलमंत्री चंद्रकांत पाटील यांनी महाराष्ट्र महोत्सवाच्या उद्घाटनप्रसंगी दिली.नवीन महाराष्ट्र सदनात ‘पुढचे पाऊल’च्या स्थापनेसह महाराष्ट्र महोत्सवाचे उद्घाटन शनिवारी झाले. यावेळी पर्यटनमंत्री जयकुमार रावल, खा.संभाजीराजे छत्रपती, खा. दिलीप गांधी व दिल्लीतील महाराष्ट्राच्या निवासी आयुक्त आभा शुक्ला उपस्थित होत्या.पुढचे पाऊल उपक्रमाद्वारे जगातल्या मराठी माणसांना जोडण्याच्या तसेच प्रत्येक मराठी खासदाराला दिल्लीत मराठी अधिकारी ‘खासदार मित्र’ म्हणून पुरवण्याच्या उपक्रमाचे पर्यटनमंत्री जयकुमार रावल यांनी कौतुक केले. ते म्हणाले की, दिल्लीत महाराष्ट्र दिन साजरा झाला की तो साºया देशात पोहोचतो. तसेच ‘पुढचे पाऊ ल’ च्या निमित्ताने महाराष्ट्राच्या कला संस्कृती, साहित्य अन् पर्यटनाचा जागर सुरू झाला, तर देशाला अन् जगाला महाराष्ट्राचे वैभव समजेल.मराठी बांधव जगभर पसरलेले आहेत. जागोजागी त्यांनी महाराष्ट्र मंडळेही सुरू केली आहेत. दिल्लीत जसा प्रवासी भारतीय दिन साजरा होतो, त्याच धर्तीवर जगभर पसरलेल्या मराठी बांधवांसाठी प्रवासी मराठी दिन महाराष्ट्रात साजरा करण्याचे संस्थेने ठरवावे. राज्याचा पर्यटन विभाग त्याचे यजमानपद स्वीकारायला तयार आहे, अशी घोषणाही रावल यांनी यावेळी केली.मराठी खासदारांना वेगवेगळ्या विषयांत रुची आहे. पर्यटन व सांस्कृतिक कार्यक्रमांची जशी मला आवड आहे, त्याप्रमाणे राज्यातल्या विविध विषयांच्या संवर्धनासाठी प्रत्येक खासदराला त्याच्या आवडीनुसार जबाबदारी सोपवल्यास ती पेलायला आम्ही सारे तयार आहोत, असे आश्वासन देत खासदार संभाजीराजे छत्रपती म्हणाले की, देशाच्या परराष्ट्र व्यवहार विभागाचे सारथ्य सध्या गोखले व मुळेंसारखे कार्यक्षम अधिकारी करीत आहेत.पुढचे पाऊ लचे प्रत्येक पाऊ ल मुळेंच्या नेतृत्वाखाली दमदार पडेल याची खात्री आहे. मराठी संस्कृतीच्या कक्षा सर्वत्र रुंदावण्यास त्याची मदतच होईल, असे गौरवोद्गार संभाजीराजेंनी काढले. उपस्थितांचे स्वागत संस्थेचे अध्यक्ष प्रफुल्ल पाठक यांनी केले, तर संस्थेच्या उपक्रमांची माहिती देणारे प्रास्ताविक ज्ञानेश्वर मुळेंनी केले.मुख्यमंत्री फडणवीस दिल्लीला येऊ शकले नाहीत, असे चंद्रकांतदादा पाटील यांनी सांगितले. मुख्यमंत्र्यांच्या संदेशाचे वाचन व कार्यक्रमाचे सूत्रसंचालन उषा जोशींनी केले तर आभार प्रदर्शन ले. कर्नल आकाश पाटील यांनी केले.

Global Maharastra (Marathi News)

मोहोळच्या नागनाथ यात्रेतील भाकणूक; यंदा पाऊस समाधानकारक, चारा मुबलक प्रमाणात होणार उपलब्ध ...

Maharashtra Day Special : 107 people fought for mumbai included maharashtra Rajkarnache Kisse Episode 4 ...

...

कुर्ला लोहमार्ग पोलीसांची कारवाई ...

शनिवारी सायंकाळी लोढा लक्झोरिया सोयायटीतील ज्येष्ठ नागरिकांनी पावसाळी नेचर ट्रेलचा मनमुरादन आनंद लुटला. ...