प्रियंका गांधी यांचा गडचिरोली दौरा स्थगित
By लोकमत न्यूज नेटवर्क | Updated: December 13, 2021 20:33 IST2021-12-13T20:32:40+5:302021-12-13T20:33:06+5:30
Gadchiroli News भारतीय राष्ट्रीय काँग्रेसच्या सरचिटणीस प्रियंका गांधी यांचा १४ डिसेंबरचा नियोजित गडचिरोली दौरा स्थगित करण्यात आला आहे.
प्रियंका गांधी यांचा गडचिरोली दौरा स्थगित
नागपूर : भारतीय राष्ट्रीय काँग्रेसच्या सरचिटणीस प्रियंका गांधी यांचा १४ डिसेंबरचा नियोजित गडचिरोली दौरा स्थगित करण्यात आला आहे. अपरिहार्य कारणांमुळे दौरा स्थगित करण्यात आल्याची माहिती देण्यात आली आहे.
एका स्वयंसेवी फाऊंडेशनच्या वतीने गडचिरोली जिल्हा आणि ब्रम्हपुरी विधानसभा मतदारसंघातील विद्यार्थिनींना शाळेत ये-जा करण्यासाठी प्रियंका गांधी यांच्या हस्ते ई-सायकलींचे वाटप करण्यात येणार होते. प्रियंका पहिल्यांदाच गडचिरोली दौऱ्यावर येणार असल्याने पूर्व विदर्भातील काँग्रेस कार्यकर्त्यांमध्ये उत्साहाचे वातावरण होते.
