ओबीसी माेर्चाला संघटनांचा पाठिंबा

ओबीसी माेर्चाला भारतीय मुस्लिम परिषदेने पाठिंबा दर्शविला आहे. या महामाेर्चात भारतीय मुस्लिम परिषदेचे राष्ट्रीय अध्यक्ष तथा साहित्यिक प्रा. जावेद पाशा सहभागी हाेणार आहेत. माेर्चादरम्यान स्टाॅल लावून सामाजित उपक्रम राबविण्यात येणार आहेत. या महामाेर्चात भारतीय मुस्लिम समाजाच्या पदाधिकाऱ्यांसह समाजातील नागरिकांनी सहभागी व्हावे, असे आवाहन समन्वयक एजाज शेख, रहिम शेख, लतीफ रिजवी, नासिर शेख, वसीम पठाण, लियाकत सय्यद, शाहीद पठाण, जुबेर पठाण, जादीश पठाण, अर्शद पठाण, सय्यद कादरी, सिकंदर पठाण, सैफ पठाण, अरबाज पठाण, शहबाज शेख, शाेएब पठाण, हामीद शेख, शाहदाब शेख यांनी केले आहे.

माेर्चात सहभागी हाेण्याचे राकाॅं ओबीसी सेलचे आवाहन

विविध मागण्यांसाठी २२ फेब्रुवारीला काढण्यात येणाऱ्या माेर्चात माेठ्या संख्येने सहभागी व्हावे, असे आवाहन राकाॅं ओबीसी सेलचे जिल्हाध्यक्ष विनायक झरकर यांनी केले आहे. गडचिरोली जिल्ह्यात ३८ टक्केच्यावर ओबीसींची संख्या आहे. असे असतानाही केवळ सहा टक्के आरक्षण दिले जात आहे. हा ओबीसी समाजावरील अन्याय आहे. ओबीसी समाजावरील अन्याय दूर सावरण्यासाठी या माेर्चात माेठ्या संख्येने सहभागी व्हावे, असे आवाहन विनायक झरकर यांनी केले आहे. माेर्चात ओबीसी सेलचे प्रदेशाध्यक्ष ईश्वर बाळबुद्धे, जिल्हा निरीक्षक डी. के.आरिकर, प्रदेश उपाध्यक्ष हिराचंद्र बाेरकुटे, चंद्रपूर जिल्हाध्यक्ष राजेंद्र वैद्य, सुरेश रामगुंडे, ॲड. मेघा रामगुंडे आदी सहभागी हाेणार आहेत.

बहुजन कल्याणमंत्री वडेट्टीवार ओबीसी माेर्चात सहभागी हाेणार

२२ फेब्रुवारीला जिल्हाधिकारी कार्यालयावर काढण्यात येणाऱ्या ओबीसी माेर्चात मदत व पुनर्वसन तथा बहुजन कल्याणमंत्री विजय वडेट्टीवार सहभागी हाेणार आहेत. यासाेबतच राष्ट्रीय ओबीसी बहुजन महासंघाचे नेते प्राचार्य डाॅ. बबनराव तायवाडे हे देखील सहभागी हाेणार असल्याची माहिती जिल्हा ओबीसी माेर्चा समन्वय समितीने दिली आहे. विविध सामाजिक संघटना, राजकीय पक्ष व लोकप्रतिनिधींनी या मोर्चाला आपला पाठिंबा दर्शविला आहे. अनेक दिग्गज या मोर्चात सहभागी होणार आहेत. बहुजन कल्याणमंत्री विजय वडेट्टीवार यांनीही या मोर्चात सहभागी होणार असल्याची गर्जना केली आहे. अत्यल्प आरक्षण, शिष्यवृत्ती यासह ओबीसींच्या विविध प्रश्नांवर हा मोर्चा काढण्यात येणार आहे, त्याला आपला पाठिंबा असल्याचे त्यांनी कळविले आहे.