कुरखेडा तालुक्यात ९४ जागांसाठी एकच अर्ज

कुरखेडा : तालुक्यात ग्रामपंचायत निवडणुकीच्या ९४ जागांसाठी केवळ एकच नामांकन प्राप्त झाल्याने या जागांसाठी अर्ज केलेल्या उमेदवारांची बिनविराेध निवड झाली आहे. तर १५ जागांसाठी एकही नामांकन प्राप्त झाले नाही. त्यामुळे या जागा रिक्त राहणार आहेत. परिणामी, ३५३ जागांपैकी केवळ २४४ जागांसाठीच मतदान हाेणार आहे.

कुरखेडा तालुक्यातील ४३ ग्रामपंचायतींच्या सार्वत्रिक निवडणुकीचा कार्यक्रम जाहीर करण्यात आला. या ग्रामपंचायतींमध्ये सदस्यांच्या एकूण ३५३ जागा हाेत्या. त्यापैकी एका ग्रामपंचायतीत बिनविराेध निवडणूक झाली. तर तीन ग्रामपंचायतीत काही जागांसाठी नामनिर्देशनपत्रच प्राप्त झाले नाही. तर काही जागांसाठी केवळ एकच नामनिर्देशनपत्र प्राप्त झाल्याने या ग्रामपंचायतीत मतदान हाेणार नाही. त्यामुळे आता प्रत्यक्षात ३९ ग्रामपंचायतीतच मतदान हाेणार आहे. २४४ जागांसाठी आता मतदान हाेणार आहे. ७४२ नामनिर्देशनपत्र प्राप्त झाले हाेते. त्यापैकी १८ नामनिर्देशनपो अवैध ठरले, तर ६७ उमेदवारांनी नामनिर्देशनपत्र मागे घेतले. त्यामुळे आता ५८५ उमेदवार रिंगणात आहेत.

मतदानाची तारीख जवळ येत असल्याने प्रचाराची रंगत वाढण्यास सुरुवात झाली आहे. आपले पॅनल गावाचा विकास कसा करून दाखवेल हे मतदारांच्या गळी उतरविण्याचा प्रयत्न करीत आहेत. युवा उमेदवार व मतदारांनी ग्रामपंचायत निवडणुकीच्या राजकारणात रुची दाखविण्यास सुरुवात केल्याने निवडणूक प्रचार करण्यास सुरुवात झाली आहे.

कुरखेडा तालुक्यातील काही ग्रामपंचायती नक्षलदृष्ट्या संवेदनशील भागात माेडतात. या ग्रामपंचायतींमध्ये निवडणूक घेणे पाेलीस प्रशासनासाठी आव्हान राहते. निवडणुकीची प्रक्रिया शांततेत पार पडावी यासाठी पाेलीस प्रशासनाकडून नियाेजन केले जात आहे.