मोटारसायकल चोरट्यांना अटक

रतन चौधरी रा.निमरड टोला या इसमाची एम.एच. ३३ के ००५९ या क्रमांकाची मोटारसायकल त्याच्या घरासमोरील वरांड्यात ठेवलेली हाेती. ही मोटारसायकल चोरी गेल्याची फिर्याद घोट पोलीस मदत केंद्रात १० ऑगस्ट रोजी दाखल केली होती. त्यानुसार, घोट पोलीस मदत केंद्राच्या पाेलिसांनी चौकशीचे सत्र सुरू केले. दरम्यान, आरोपी विक्रांत शंकरराव मेश्राम, देवा रतीलाल चांदेकर व तुषार दिगांबर बन्सोड यांच्याकडून एम.एच. ३३ के ००५९ होंडा फॅशनप्रो व बजाज सी.टी. १०० या दोन्ही चोरीच्या मोटारसायकल घोट पोलिसांनी ताब्यात घेतल्या. चाेरी गेलेली पुन्हा एक मोटारसायकल मिळणार असल्याचे पोलीस सूत्राने सांगितले. घटनेचा पुढील तपास घोट पोलीस मदत केंद्राचे प्रभारी अधिकारी आनंद श्रीमंगल यांच्या मार्गदर्शनाखाली सहायक फौजदार लालबहादूर मशाखेत्री करीत आहेत.