विद्युत अभियंत्यांची निदर्शने

गडचिराेली : सबऑर्डिनेट इंजिनीअर असाेसिएशन गडचिराेलीच्या वतीने विविध मागण्यांसाठी महावितरण अर्थात विद्युत क्षेत्रातील अभियंत्यांनी संप पुकारला असून, अतिरिक्त कार्यभार साेडला आहे. त्यामुळे महावितरणच्या वरिष्ठ प्रशासनात खळबळ उडाली आहे.

बुधवारी गडचिराेली येथील वीज अभियंत्यांनी मंडळ कार्यालयासमाेर द्वारसभा घेऊन कंपन्यांच्या धाेरणाचा निषेध नाेंदविला. या सभेत असाेसिएशनचे जिल्हा सहसचिव पुरुषाेत्तम वंजारी यांनी अभियंत्यांना संबाेधित केले. आता दुसऱ्या टप्प्यात अभियंत्यांनी अतिरिक्त कार्यभार साेडल्याने प्रशासन अडचणीत आले आहे.

महावितरण, महापारेषण व महानिर्मिती प्रशासन अभियंत्यांच्या विविध प्रलंबित मागण्यांकडे दुर्लक्ष करीत असल्याने सबऑर्डिनेट इंजिनीअर असाेसिएशनच्या वतीने ऊर्जामंत्र्यांच्या उपस्थितीत तीनही कंपन्यांच्या प्रशासन दरबारी चर्चा करण्यात आली. या चर्चेत अभियंत्यांचे प्रश्न मार्गी लावण्याचे आश्वासन देण्यात आले. मात्र, हे आश्वासन फाेल ठरले. महापारेषण प्रशासनाने ऑर्डर नं. ३ नुसार स्टाॅफसेट अप धाेरण एकतर्फी लागू करण्याचा डाव आणला. दरम्यान, अभियंत्यांची ५०० पेक्षा अधिक पदे रिक्त ठेवण्याचा घाट रचल्याचा आराेप संघटनेने केला आहे.

महावितरण प्रशासनाने सर्वसाधारण बदली धाेरणामध्ये ‘अनिवार्य रिक्त पदे’ ही संकल्पना आणल्याने सर्वसामान्यांच्या बदल्यांवर अंकुश आलेला आहे. त्यामुळे अभियंत्यांमध्ये प्रचंड नाराजी पसरली आहे.

६ सप्टेंबरला लाक्षणिक संप

येत्या ६ सप्टेंबरला एक दिवसाचा लाक्षणिक संप पुकारण्याची हाक सब ऑर्डिनेट इंजिनीअर असाेसिएशनने दिली असून, प्रशासनाने मागण्या निकाली न काढल्यास बेमुदत संप करण्यात येईल, असा इशारा दिला आहे.