निर्माल्य विसर्जन जलप्रदूषणासाठी धोक्याचे

निर्माल्य हे नाशवंत असल्याने जलसाठ्यातील पाण्यात ते सडते, विघटन होते. ह्या सडण्याच्या प्रक्रियेसाठी पाण्यातील ऑक्सिजन, प्राणवायू वापरला जातो. त्यामुळे जलसाठ्यातील पाणी प्रदूषित होते. नदी-नाले व तलावातील मासे, बेडूक, कासव, खेकडे व जलवनस्पती तसेच अन्य जलचरांचे जीवन धोक्यात येते. प्रदूषित पाणी पिल्यास गुरेढोरे व अन्य जनावरांना विषबाधाही होते. नजीकच्या विहिरी देखील प्रदूषित होतात. आनंदाची उधळण करणारा गणेशोत्सव साजरा करताना निर्माल्य जलसाठ्यात विसर्जित न करता बगिच्यात किंवा जमिनीत पुरल्यास माती सुपिक बनेल व बाग अधिक फुलेल. गणेशाेत्सवात पीओपीची मूर्ती न वापरता पर्यावरणपूरक मातीची गणेश मूर्तीं स्थापन करावी. शेवटी पिंप किंवा टबमध्ये घरगुती मूर्ती विसर्जित करून उत्सव साजरा करावा, असे आवाहन अंनिसचे जिल्हाध्यक्ष उद्धव डांगे यांनी केले आहे.