सावंगीत १४ जणांनी घेतला औषधाेपचार

देसाईगंज : तालुक्यातील सावंगी येथे गाव संघटनेच्या मागणीनुसार मुक्तिपथ अभियानातर्फे एकदिवसीय व्यसन उपचार शिबिर घेण्यात आले. या शिबिराच्या माध्यमातून एकूण १४ रुग्णांवर उपचार करण्यात आले.

शिबिरात गावातील ३० रुग्णांनी नोंदणी केली; परंतु यापैकी १४ रुग्णांनी उपचार घेतले. यावेळी दारूचे व्यसन हा एक मानसिक आजार आहे आणि तो उपचाराने बरा होतो. दारूचे व्यसन सोडण्यासाठी तसेच यातून उद‌्भवणारा त्रास कमी करण्यासाठी उपचार घेणे आवश्यक आहे. दारूचे व्यसन, दुष्परिणाम, धोक्याचे घटक, नियमित औषोधोपचार घेणे आदींची माहिती देत प्राजू गायकवाड यांनी समुपदेशन केले. शिबिर संयोजक प्रमोद कोटांगले यांनी रुग्णांची माहिती घेतली. भागवतकार बांगरे महाराज यांनीसुद्धा दारूचे दुष्परिणाम सांगत जास्तीत जास्त रुग्णांनी उपचार घेण्याचे आवाहन केले. शिबिराचे नियोजन मुक्तिपथ तालुका संघटक भारती उपाध्ये यांनी केले. शिबिरासाठी गाव संघटन सदस्य श्यामराव अलोणे, सभापती रेवता अलोणे, मुख्याध्यापक मधुकर मिसाळ, मुरलीधर खूण, शैलेश लांजेवार, नरेश चौधरी, दिवाकर दिघोरे, दिवटे, अंगराज शेंडे, अंगणवाडी सेविका अश्विनी बुल्ले, सहायक शिक्षिका जिजा बावनकुळे यांनी सहकार्य केले.