दोन नव्हे दीपिका पादुकोणला हवीत तीन मुलं! अभिनेत्रीने स्वत:च सांगितलेलं, म्हणाली- "मला खूप मुलं जन्माला..."

दुआनंतर दीपिका आणि रणवीर यांच्या घरी पुन्हा चिमुकल्याचं आगमन होणार आहे. पण, दीपिकाला दोन नव्हे तर तीन बाळांची आई व्हायचं आहे.

बॉलिवूड कपल रणवीर सिंग आणि दीपिका पादुकोण दुसऱ्यांदा आईबाबा होणार आहेत. दुआनंतर दीपिका आणि रणवीर यांच्या घरी पुन्हा चिमुकल्याचं आगमन होणार आहे. पण, दीपिकाला दोन नव्हे तर तीन बाळांची आई व्हायचं आहे. अभिनेत्रीनेच एका मुलाखतीत बोलताना ही इच्छा व्यक्त केली होती. तिचा जुना व्हिडीओ आता व्हायरल होतो आहे. 

रणवीरशी लग्न करण्याआधी दीपिकाने राजीव मसंदला दिलेल्या मुलाखतीत याबाबत भाष्य केलं होतं. दीपिका म्हणाली होती की "मरणाआधी मला एक गोष्ट नक्की करायची आहे ती म्हणजे मला खूप सारी मुलं जन्माला घालायची आहेत. जर मी अभिनेत्री नसते तर कोण असते मला माहीत नाही. पण माझ्या आजूबाजूला माझी छोटी मुलं असती. माझी तीन छोटी छोटी मुलं..इकडे तिकडे पळाली असती. मी आशा करते की माझ्याकडे एवढं काम असेल की माझ्या मुलांना मी शूटिंगला सोबत घेऊन जाईन".

रणवीर आणि दीपिकाने २०१८ मध्ये इटलीत लग्न केलं होतं. लग्नानंतर ६ वर्षांनी दीपिकाने त्यांच्या पहिला बाळाला जन्म दिला. ८ सप्टेंबर २०२४ रोजी रणवीर-दीपिकाला मुलगी झाली. जिचं नाव त्यांनी दुआ असं ठेवलं आहे. त्यानंतर आता पुन्हा ते आईबाबा होण्यासाठी उत्सुक आहेत.