सध्या वर्षातील शेवटचा महिना सुरू आहे. सणांचा सीझन संपला असला तरिही लग्नसराईला सुरूवात झाली आहे. त्यामुळे तुम्हाला ट्रेडिशनल आणि एथनिक लूक करण्याची अजूनही संधी आहे. अशातच बेस्ट फ्रेंडचं लग्न किंवा नातेवाईकांच्या लग्नामध्ये तुम्ही थोडा वेगळा आणि हटके लूक करण्याचा विचार करत असाल तर तुमच्यासाठी आम्ही बेस्ट ऑप्शन्स सांगणार आहोत. तुम्हीही एथनिक किंवा ट्रेडिशनल ड्रेसमध्ये हटके लूक करण्याच्या विचारात असाल तर आपल्या आगामी चित्रपटांनी बॉलिवूडमध्ये डेब्यू करणाऱ्या सारा अली खानकडून ड्रेसिंग टिप्स घेऊ शकता.
साराचा केदारनाथ हा चित्रपट रिलिज झाला असून प्रेक्षकांचा चांगला प्रतिसाद मिळताना दिसत आहे. सध्या सारा आपल्या चित्रपटाच्या प्रमोशनमध्ये बिझी आहे. टीव्हीवरील जवळपास सर्वच चॅनल्सवरील रियॅलिटी शोमध्ये सारा दिसून येत आहे. मागील काही दिवसांत आपल्या चित्रपटाच्या प्रमोशनसाठी सारा सलमान खान होस्ट करत असलेल्या बिग बॉसमध्ये दिसून आली होती. यावेळी सारा नचिकेत बर्वेने डिझाईन केलेल्या मरून कलरच्या ड्रेसमध्ये दिसून आली. साराने मरून कलरचा लॉन्ग स्कर्टला पिंक कलरच्या फ्लोरल एम्ब्रॉयडरी असणारा क्रॉप टॉप आणि मॅचिंग लॉन्ग जॅकेटसोबत वेअर केलं होतं. साराचा हा लूक संगीत फंक्शनसाठी एकदम परफेक्ट आहे.
लाइम ग्रीन कलरचा शरारा आणि कुर्ती सेट सुकृती आणि आकृती यांनी डिझाइन केला होता. जो लग्नातील मेहंदीच्या फंक्शनसाठी बेस्ट लूक आहे. शरारासोबत साराने परिधान केलेल्या कुर्त्यावर सुंदर फ्लोरल एम्ब्रॉयडरी केली आहे. त्याचबरोबर मॅचिग कलरचा दुपट्टा वेअर केला असून त्यावर गोल्डन डॉट्स आहेत. सारा या लूकमध्ये फार क्युट दिसत आहे.
एमटीव्हीचा रियॅलिटी शो एस ऑफ स्पेसमध्ये सारा केदारनाथच्या प्रमोशनसाठी गेली होती. यादरम्यान साराने नेवी ब्लू कलरचा प्लाझो वेअर केला होता. ज्यावर व्हाइट कलरचे स्क्वेअर्स तयार करण्यात आले होते आणि मॅचिंग क्रॉप टॉप ज्यावर फ्लोरल वर्क केला होता. या इंडो वेस्टर्न लूकमध्ये ती फार गोड दिसत होती.
टीव्हीवरील रियॅलिटी शो 'सारे गा मा पा'च्या सेटवर केदारनाथच्या प्रमोशनसाठी पोहोचलेली सारा अली खान रेड कलरचा शरारा आणि कुर्त्यामध्ये दिसून आली. रॉ मॅन्गोद्वारे डिझाइन करण्यात आलेला रेड ब्रोकेड शरारा लग्नाआधी होणाऱ्या संगीत किंवा मेहंदीसाठी परफेक्ट आहे.
सिल्वर आणि ग्रे कलरचा हा लेहेंगा ज्यावर ब्ल्यू कलरने फ्लोरल वर्क करण्यात आले आहे. प्रसिद्ध डिझायनर अबू जानी संदीप खोसलाने डिझाइन केलेला आहे. साराचा हा लेहेंगा फार सुंदर असून सारा यामध्ये सुंदर दिसत आहे. हा लेहेंगा नातेवाईकांच्या लग्नामध्ये किंवा मैत्रिणीच्या लग्नामध्ये वेअर करण्यासाठी परफेक्ट आहे.