'वेल्लोर इन्स्टिट्यूट ऑफ टेक्नॉलॉजी'ने (VIT) VITEEE 2026 साठी अर्ज करण्याची अंतिम मुदत वाढवली आहे. 2026 च्या बी.टेक. प्रवेशासाठी रजिस्ट्रेशन पूर्ण करण्याची शेवटची तारीख आता १२ एप्रिल २०२६ करण्यात आली आहे. इच्छुक उमेदवार अधिकृत वेबसाइटवर जाऊन VITEEE 2026 परीक्षेचे सर्व डिटेल्स पाहू शकतात. केवळ रजिस्ट्रेशन केलेल्या उमेदवारांनाच ही परीक्षा देता येईल. ही परीक्षा २८ एप्रिल ते ३ मे २०२६ या कालावधीत दररोज दोन सत्रांमध्ये घेतली जाईल.
VITEEE 2026 अर्ज कसा भरायचा?
उमेदवार VIT 2026 परीक्षेसाठी अर्ज करू शकतात.
अधिकृत वेबसाइटवर जाऊन आपलं रजिस्ट्रेशन करा.
अर्ज क्रमांक मिळाल्यानंतर, लॉगिन क्रेडेंशियल वापरून लॉग इन करा.
वैयक्तिक आणि शैक्षणिक माहिती भरा, परीक्षा केंद्र निवडा आणि आवश्यक कागदपत्रं अपलोड करा.
अर्जाची फी भरा आणि फॉर्म सबमिट करा.
पूर्ण भरलेल्या अर्जाची प्रत डाउनलोड करा आणि त्याची प्रिंट काढून ठेवा.
नोंदणी शुल्क - VITEEE 2026 साठी नोंदणी शुल्क १,३५० रुपये असून ते परत केले जाणार नाही.
रजिस्ट्रेशननंतरची प्रक्रिया काय?
रजिस्ट्रेशन प्रक्रिया पूर्ण झाल्यावर, VIT त्यांच्या अधिकृत वेबसाइटवर 'मॉक टेस्ट' उपलब्ध करून देईल. VITEEE 2026 ची मॉक टेस्ट एप्रिल २०२६ च्या पहिल्या आठवड्यात आयोजित केली जाण्याची शक्यता आहे. या मॉक टेस्टचा सराव केल्यामुळे विद्यार्थ्यांना प्रश्नपत्रिकेचं स्वरूप, अवघड प्रश्न आणि नवीन गुण देण्याची पद्धत याबद्दल अधिक चांगली माहिती मिळेल. त्याचसोबत, प्रवेशपत्र (Admit Card) मिळवण्यासाठी 'स्लॉट बुकिंग' प्रक्रिया देखील सुरू केली जाईल. उमेदवारांना अकाऊंट तयार करून त्यांची परीक्षेची तारीख आणि वेळ स्वतः निवडावी लागेल.
Web Summary : VIT extended the VITEEE 2026 application deadline to April 12, 2026. The exam will be held from April 28 to May 3, 2026. Candidates can register and find details on the official website. A mock test and slot booking for admit cards will also be available.
Web Summary : VIT ने VITEEE 2026 के लिए आवेदन की अंतिम तिथि 12 अप्रैल, 2026 तक बढ़ा दी है। परीक्षा 28 अप्रैल से 3 मई, 2026 तक होगी। उम्मीदवार आधिकारिक वेबसाइट पर पंजीकरण कर सकते हैं। मॉक टेस्ट और एडमिट कार्ड के लिए स्लॉट बुकिंग भी उपलब्ध होगी।