सावळदे येथील प्रवीणसिंग राजेंद्र गिरासे यांनी १६ रोजी रात्री ८ वाजता लग्नाचा वाढदिवस परिवारासोबत साजरा करून ड्युटीवर जाण्यासाठी निघाले होते़ दुचाकीने (क्रमांक एम़एच़१८-बीक्यू ८६८२) ते करवंद येथील मका फॅक्टरीत कामावर जाण्यासाठी निघाले होते. शिरपूर ते करवंद गावादरम्यान असलेल्या आशीर्वाद हॉटेलसमोर अज्ञात वाहनाच्या धडकेत त्याचा मृत्यू झाला होता. अपघात होताच चालक वाहनासह फरार झाला होता. मात्र काही तासातच शिरपूर पोलिसांनी त्या अपघातग्रस्त वाहनाचा शोध घेतला़
प्रवीणसिंग सौदाणसिंग राजपूत रा. किरण सोसायटी शिरपूर यांनी दिलेल्या फिर्यादीवरून कार चालक आकाश संभाजी गवळी रा. साईबाबा नगर नकाणे रोड देवपूर, धुळे याच्या विरोधात शिरपूर पोलिसात भादंवि कलम ३०४ अ, २७९, ३३७, ३३८, ४२७, १८४ प्रमाणे मोटार अपघात नोंदविण्यात आला आहे़
दुचाकी स्लीप, एकाचा मृत्यू
हरिचंद्र लिलाचंद माळी (२४) रा. वरवाडे शिरपूर हा युवक आपल्या मित्रासोबत दुचाकी गाडीने जात असताना ११ फेब्रुवारी रात्रीच्या सुमारास अरुणावती नदीवरील पुलावर गाडी घसरल्याने गंभीर जखमी झाला होता. धुळे येथे उपचार घेत असताना त्यांचा मृत्यू झाला़ याबाबत शिरपूर पोलिसात अकस्मात मृत्यू नोंदविण्यात आला आहे.