झेड. बी. पाटील महाविद्यालयातजागतिक ग्राहक दिनानिमित्त अंतर्गत गुणवत्ता निर्धारण समिती व सामाजिक शास्त्र मंडळ यांच्या संयुक्त विद्यमाने डॉ. योगेश सूर्यवंशी यांचे ‘ग्राहकांची जनजागृती’ या विषयावर ऑनलाइन व्याख्यान आयोजित करण्यात आले होते. त्यावेळी मार्गदर्शन करताना डॉ.सूर्यवंशी बोलत होते. अध्यक्षस्थानी प्राचार्य डॉ. पी. एच. पवार होते.
डॉ.सूर्यवंशी पुढे म्हणाले की, ग्राहकांमध्ये व्यवहारिक सजगता येण्यासाठी जनजागृती होणे आवश्यक आहे. ग्राहक म्हणजे बाजारपेठेचा राजा आहे. आजच्या जागतिकीकरणाच्या स्पर्धात्मक युगात ग्राहक हा महत्त्वाचा घटक झाला आहे. बऱ्याचदा व्यवसायकांडून या ग्राहकांनी फसवणूक केली जाते, अशावेळी ग्राहकांना काय अधिकार आहेत, फसवणूक झाल्यास ग्राहक तक्रार निवारण मंचच्या माध्यमातून भरपाई कशाप्रकारे मिळविता येते.
प्राचार्य डॉ. पी. एच. पवार म्हणाले की, ग्राहक हा सजग व जागृत झाला पाहिजे, कायद्याच्या सर्व बाबी समजून घेतल्या पाहिजेत. आपले आर्थिक नुकसान होऊ नये यासाठी ग्राहक म्हणून प्रत्येकाने सजग तसेच जागृत राहिले पाहिजे.
प्रास्ताविक व सूत्रसंचालन सामाजिक शास्त्र मंडळाचे संयोजक डॉ.अमोल पाटील यांनी केले. तर प्रा. संगीता लोहालीकर यांनी आभार मानले. कार्यक्रमाच्या यशस्वितेसाठी डॉ. एस. एच. खलाणे, डॉ. मोरेश्वर नेरकर, प्रा. राहुल पाटील, प्रा. वैशाली जवराळ, प्रा. गायत्री बच्छाव, प्रा. उदय पाटील व प्रा. विशाल बोरसे आदींनी परिश्रम घेतले.