जिल्ह्यात आतापर्यंत २० हजार ८४८ जणांना कोरोनाची लागण झाली आहे. त्यात सर्वाधिक म्हणजेच १० हजार ९१ बाधित रुग्ण महानगरात आहे. त्यापैकी धुळे तालुक्यातील २ हजार १९६, शिरपूर ३ हजार ४२४, शिंदखेडा २ हजार ४७३ तर साक्री तालुक्यातील १ हजार ९९८ बाधितांना काेरोनाची असे एकूण ००० जण चारही तालुक्यातून आढळून आलेले आहेत. फेब्रुवारी महिन्याच्या दुसऱ्या आठवडापासून बाधितांची संख्येत वाढ होत असल्याने रुग्णांची संख्या वाढू नये, यासाठी प्रशासनाकडून विविध उपाययोजना केल्यात आहेत. मार्च महिन्यातील पहिल्या आठवड्यापासून कोरोना बाधितांची संख्या ००००वर गेली आहे. काेरोना बाधित रुग्णांमध्ये महानगरातील संख्या शंभरावर आहे. बाधित रुग्णांमध्ये सौम्य लक्षणे असलेली रुग्ण ४१ ते ५० वर्ष वयोगटातील अधिक आहेत. तर ६० वर्षापुढील ज्येष्ठ नागरिकांची संख्या कमी आहे.
बाधित संपर्कात असलेल्या व्यक्तींची तपासणीत वाढ
दोन ते अडीच महिने कोरोना बाधितांच्या रुग्णांच्या तपासणीचे प्रमाण कमी झाले होते. त्यामुळे तालुकास्तरावरील कोेविड केअर सेंटरदेखील बंद ठेवण्यात आलेे होते. त्यामुळे बाधितांची केवळ भाऊसाहेब हिरे वैद्यकीय महाविद्यालयातील कोरोना सेंटरमध्ये तपासणी केली जाते होती. मात्र फेब्रुवारी महिन्यापासून बाधित रुग्णांचा आकडा वाढल्याने कोरोना बाधित संपर्कात असलेल्या व्यक्तींची तपासणीत वाढ झाली आहे.
उपचार सुरू असलेले बाधित
आतापर्यंत २० हजार ८४८ बाधित आढळून आलेले आहेत. त्यापैकी ३ हजार २१७ बाधितांवर उपचार सुरू आहेत. त्यात महानगरातील १ हजार ७१९, धुळे तालुक्यातील १ हजार ४९८ आहेत. बाधितांवर तातडीने उपचार होण्यासाठी जिल्हाधिकारी संजय यादव यांनी आढावा बैठक घेऊन मनपाला सरकारी व खासगी हाॅस्पिटल मधील बेडची संख्या व नियोजन करण्याचे आदेश दिले होते. त्यानुसार महानगरातील सिद्धेश्वर हाॅस्पिटलमधील ५०, विघ्नहर्ता ४०, सुधा ४०, केशरानंद २०, इन्स्टिट्युड ऑफ युरोलाॅजी १५, ओम क्रिटिकल ३०, खान्देश कॅन्सर २०, चंद्रकांत केले फाऊंडेशन ३०, सेवा हाॅस्पिटल ४०, निरामय ३०, श्रद्धा ४०, भतवाल १५ अशा महानगरातील १२ हाॅस्पिटलमधील ३७० बेडची व्यवस्था प्रशासनाकडून करण्यात आलेली आहे.
बिल आकारणीवरदेखील लक्ष
महानगरातील १२ हाॅस्पिटलमध्ये कोरोना बाधित रुग्णांवर उपचार सुरू आहे. उपचारादरम्यान होणारा खर्च रुग्णांकडून अधिक आकारणी केली जाते किंवा वैद्यकीय साेयी- सुविधेची अडचण आहे का, याबाबत मनपाकडून नियुक्त पथकाकडून वेळोवेळी माहिती व खासगी हाॅस्पिटलला भेटी तसेच रुग्णांच्या समस्या सोडविण्याकडे लक्ष दिले जात आहे. त्यासंर्दभात मनपात आढावा बैठक घेऊन सूचना दिल्या जातात.
फेब्रुवारीनंतर शहरात झाले २८२ कंटेन्मेंट झोन
शहरात फेब्रुवारीच्या शेवटच्या आठवड्यापासून बाधितांची संख्या वाढते आहे. त्यामुळे अनेक भागात महापालिकेला कंटेन्मेंट झोन जाहीर करावे लागले. शहरात आतापर्यंत २८२ कंटेन्मेंट झोन जाहीर झाले आहे. शासनाच्या नव्या मार्गदर्शक सूचनानुसार बाधिताच्या घरापासून शंभर मीटरच्या परिसरात कंटेन्मेंट झोन केल जात असल्याची माहिती मनपा आरोग्य विभागाकडून देण्यात आली.