शासकीय असो वा खासगी रुग्णालयात कोविडबाधितांसह अन्य वेगवेगळ्या आजारांच्या रुग्णांवर उपचार सुरू झाले आहेत़ या दोन्ही प्रकारच्या रुग्णालयांनी इतर आजाराच्या रुग्णांना चांगली रुग्णसेवा देण्यासह कोविड युनिटमधील आयसीयू तसेच ऑक्सिजन आणि साधारण बेडची संख्या कशी वाढविता येईल, यासाठी प्रयत्न करावे लागत आहे़ वाढविण्यात आलेले आयसीयू, व्हेंटिलेटर, तसेच सर्वसाधारण रुग्णखाटांची माहिती तातडीने जिल्हा प्रशासनाला सादर करावी लागत आहे़ जिल्हा प्रशासन कोविड रुग्णांलयातील रुग्णखाटा वाढविण्यासाठी प्रयत्न करीत असले तरी कोविड संसर्गाची साखळी खंडित करण्यासाठी प्रत्येक धुळेकराने जिल्हा प्रशासनाच्या सूचनांचे पालन करणे गरजेचे आहे़
ऑक्सिजन पुरवठ्याची विचारणा
येथील कोरोना रुग्णालयाला सद्य:स्थितीत ऑक्सिजन किती पुरवठा होत आहे़; भविष्यात रुग्णसंख्या वाढल्यास किती ऑक्सिजनची गरज पडू शकते याबाबतची माहिती जिल्हा प्रशासनाकडून वेळोवेळी रुग्णालय प्रशासनाकडून घेतली जात आहे़
अत्यावश्यक नसलेल्या शस्त्रक्रिया पुढे ढकला
शासकीय असो वा खासगी रुग्णालय; या ठिकाणी विविध प्रकारच्या शस्त्रक्रिया केल्या जातात़; परंतु जिल्ह्याची कोविड परिस्थिती लक्षात घेता अत्यावश्यक नसलेल्या शस्त्रक्रिया पुढे ढकलून नॉनकोविड बेड हे कोविड रुग्णांना देता येतील का? या दृष्टीने कार्यवाही करावी लागणार आहे़ एकंदरीत पाहता रुग्णालयात अत्यावश्यक नसलेल्या शस्त्रक्रिया आता पुढे ढकलता येईल का? याचीदेखील चाचपणी करण्याची आवश्यकता निर्माण झाली आहे़
श्री शिवप्रतिष्ठान हिंदुस्थान
शहरातील श्री शिवप्रतिष्ठान हिंदुस्थान यांच्यामार्फत स्वतंत्र १०० खाटांची सोय करण्यात आली़ स्नेहनगरात तात्पुरते रुग्णालय स्थापन करण्यात आल्यामुळे नव्याने दाखल होणाऱ्या रुग्णांसाठी ही समाधानकारक बाब म्हणावी लागेल़ या ठिकाणी अलगीकरण, विलगीकरणासह स्रावांचीही तपासणी करून मिळणार असल्याचे सांगण्यात आले़