वाशी : ग्रामीण रुग्णालयात परिसरातील कोरोना रुग्णांना अत्यावश्यक रुग्ण सेवा मिळावी यासाठी युवा सेना युवा सेना प्रमुख आदित्य ठाकरे यांच्यामार्फत देण्यात आलेल्या बायपॅप मशीनचा लोकार्पण सोहळा शिवसेना जिल्हा प्रमुख गौतम लटके, युवा सेना जिल्हाप्रमुख डॉ. चेतन बोराडे, प्रशांत चेडे, माजी नगराध्यक्ष नागनाथ नाईकवाडी, तालुकाप्रमुख ॲड. सत्यवान गपाट, बाबा घोलप यांच्या उपस्थितीत पार पडला.
यावेळी युवा सेना जिल्हा प्रमुख डॉ. चेतन बोराडे यांनी या मशीनबाबत माहिती दिली. हे मशीन अत्यंत महत्त्वाचे असून, त्याचा वापर योग्य पद्धतीने योग्य रुग्णांसाठी करण्यात यावा, असे अवाहन त्यांनी केले. तसेच ग्रामीण रुग्णालयाचे वैद्यकीय अधीक्षक डॉ. कपिलदेव पाटील यांनी हे मशीन कोविड रुग्णांसाठी अत्यंत महत्त्वाचे असून, त्यांचा लाभ प्रत्येक गरजू रुग्णांना देऊन ग्रामीण रुग्णालय स्तरावर त्यांना उपचार देऊन बरे केले जाईल, असे सांगितले. प्रस्ताविक परमेश्वर तुंदारे यांनी केले. या कार्यक्रमास सतीश शेरकर, शिवहार स्वामी, धर्मराज जगताप, बाळासाहेब मोळवणे, छगन मोळवणे, बाळासाहेब सुकाळे, तात्या बहीर, लायक तांबोळी व वाशी परिसरातील शिवसैनिक, पदाधिकारी, तसेच रुग्णालयातील डॉ. विनोद पवार, डॉ. संजीव गरड, डॉ. सोनाली गाढवे, तालुका आरोग्य अधिकारी डॉ. गोवर्धन महिंद्रकर, रुग्णालयीन कर्मचारी उपस्थित होते.