याबाबत मिळालेली अधिक माहिती अशी की, तुगाव येथील तरुण शेतकरी गणेश भागवत गडकर (वय २६ वर्ष) हे आपल्या दोन मित्रांसोबत तेरणा धरणातील पाणी असलेल्या खड्ड्यातील विद्युत पंपाचा पाईप दुरूस्तीसाठी गेले हाेते. यापैकी एकजण पाण्यामध्ये उतरण्याकरिता कॅन आणावयास गेला हाेता. तर एकास पाेहाेता येत नसल्यामुळे खड्ड्याच्या काठावर बसला हाेता. दरम्यान, कॅन आणण्यापूर्वीच गणेश गडकर हे विद्युत पंपाच्या पाईपच्या दुरूस्तीसाठी खड्ड्यातील खाेल पाण्यात उतरला. पाण्यातून वर येत असताना श्वास गुदमरून त्याचा पाण्यातच मृत्यू झाला. दरम्यान, धरणातील खड्ड्यात गणेश गडकर बुडाल्याचे कळताच गावकऱ्यांनी घटनास्थळाकडे धाव घेऊन गणेशला पाण्याबाहेर काढले. यानंतर तातडीने जिल्हा रूग्णालयात दाखल करण्यात आहे. परंतु, उपस्थित डाॅक्टरांनी गणेशला मयत घाेषित केले. गावातील सर्वांच्या मदतीला धावून जणारा मयत गणेश हा वयाेवृद्ध आई-वडिलांचा एकुलता एक मुलगा होता. वडिलोपार्जित केवळ दीड एकर शेतीवर आपल्या कुटुंबाचा उदरनिर्वाह चालवित असे.
तीन तास अगाेदर केले हाेते घराचे भूमिपजून
घटनेपूर्वी तीन तास अगाेदर मयत गणेश याने माेठ्या आनंदाने आपल्या घराच्या बांधकामाचे भूमिपूजन वृद्ध आई-वडिलांच्या हस्ते केले हाेते. गणेशच्या जाण्याने या आनंदावर अवघ्या तीन तासांत विरजन पडले.