वाशी : भारतीय गुणवत्ता परिषद वाणिज्य एवंम् उद्योग मंत्रालय यांच्या वतीने येथील माजी नगराध्यक्ष नागनाथ नाईकवाडी यांना उद्योग मंत्रालयाचे सदस्य अल्ताफ सय्यद यांच्या हस्ते कोरोना योद्धा पुरस्कार देऊन मंगळवारी सन्मानित करण्यात आले.
कोरोनाच्या संकटात जवळच्या नातलगांनी कोरोना रुग्णाकडे पाठ फिरवली. मात्र, अशा स्थितीत अनेक सामाजिक कार्यकर्ते, संस्था, राजकीय कार्यकर्ते यांनी सामाजिक बांधिलकी जपत कोरोना बाधित नागरिकांना थेट कोविड सेंटरमध्ये जाऊन धीर देण्याचे काम केलेले आहे. तसेच आपल्या गावासह परिसरात कोरोनाची वाढती संख्या रोखण्यासाठी प्रशासन बरोबर स्वत: ही नागरिकांमध्ये जनजागृती करण्याचे काम केलेले आहे. अशा सामजिक, राजकीय कार्यकर्त्यांच्या कामाची यांची दखल घेऊन राज्यातील दहा जणांना हा पुरस्कार देण्यात आल्याची माहिती उद्योग मंत्रालयाचे सदस्य अल्ताफ सय्यद यांनी दिली. यात वाशी येथील माजी नगराध्यक्ष नाईकवाडी यांचा समावेश होता. यावेळी संदीप कांदे, माजी उपनगराध्यक्ष प्रसाद जोशी, किरण जगताप, नितीन कवडे, बाळासाहेब सुकाळे, धनजंय देवडीकर, तुळशीदास करडे, सूरज नाईकवाडी, धीरज भगत, ढगे, अमोल भोसले, रंगनाथ शेरकर, नवनाथ कदम, अमोल भोसले, विजय कांबळे आदी उपस्थित होते.