महिलेसोबत अनैतिक संबंध ठेवणं १८ वर्षीय तरुणाच्या जीवावर बेतले; माझ्याकडे आला नाही तर...

काही दिवसांपूर्वी तो आणि त्याची पत्नी त्या महिलेकडे गेले आणि त्यांनी मुलासोबतचे संबंध संपवण्यास सांगितले.

भागलपूर – बिहारच्या भागलपूर जिल्ह्यात एका १८ वर्षाच्या तरुणाची क्रूर हत्या केल्याची खळबळजनक घटना घडली आहे. अनैतिक प्रेम प्रकरणातून ही हत्या झाल्याचं समोर आलं. या तरुणाला निर्दयपणे मारहाण करुन त्यानंतर गोळी झाडून मारण्यात आलं. याप्रकरणी पोलिसांनी आरोपी महिलेवर आणि तिच्या साथीदारांवर गुन्हा दाखल करण्यात आला आहे.

नवगछिया पोलीस स्टेशन हद्दीतील लक्ष्मीनिया टोला यांचा 18 वर्षांचा मुलगा कांती मंडल उर्फ ​​सिंटू याची निर्घृणपणे मारहाण केली त्यानंतर अज्ञात हल्लेखोरांनी गोळ्या घालून ठार मारले. घटनेची माहिती मिळताच कुटुंबीय घटनास्थळी पोहोचले, त्यावेळी घटनेत गंभीर जखमी झालेल्या सिंटूला उपचारासाठी मायागंज रुग्णालयात नेले पण त्याचा वाटेतच मृत्यू झाला. मृताच्या वडिलांनी याबाबत महिला, तिचा नवरा, भाऊ आणि इतरांविरुद्ध खुनाचा गुन्हा दाखल केला आहे.

माझा मुलगा सिंटूने एका महिलेशी दोन वर्षांपासून अनैतिक संबंध ठेवले होते. काही दिवसांपूर्वी तो आणि त्याची पत्नी त्या महिलेकडे गेले आणि त्यांनी मुलासोबतचे संबंध संपवण्यास सांगितले. यावर महिला आणि सिंटू यांच्यात भांडण झाले. त्यावेळी जर सिंटू माझ्याकडे आला नाही तर मी त्याला गोळी घालेन अशी धमकी त्या महिलेने दिली होती असा आरोप सिंटूच्या वडिलांनी केला आहे.

रविवारी सकाळी या महिलेने सिंटूला भेटण्यास बोलवले, चौसा पोलिस ठाण्यांतर्गत अबकारी पोलीस चौकीच्या शंभर मीटर अंतरावर असलेल्या शिवमंदिराजवळ ते दोघं भेटले, तेव्हा अज्ञात हल्लेखोरांनी त्याला पकडून बेदम मारहाण केली. त्यानंतर सिंटूला गोळी मारुन तेथून पळ काढला. या घटनेचा पोलिसांकडून तपास सुरु आहे. अद्याप कोणत्याही आरोपीला अटक करण्यात आली नाही.