धक्कादायक! महिलेने दिराच्या मदतीने पतीची केली हत्या, दगडाचे ठेचून घेतला त्याचा जीव...

पोलिसांनी दिरासह आरोपी महिलेस अटक केली आहे. हत्येच नेमकं कारण अद्याप समोर आलं नसून आरोपींची चौकशी सुरू आहे.

महिलेने दिरासोबत मिळून पतीची हत्या (Wife Killes Husband) केल्याची धक्कादायक घटना पुणे जिल्ह्यातील भोरमधून समोर आली आहे. महिलेनं दिराच्या मदतीनं पतीची दगडानं ठेचून हत्या (murder) केली आहे. या घटनेनं परिसरात एकच खळबळ उडाली आहे. तर पोलिसांनी दिरासह आरोपी महिलेस अटक केली आहे. हत्येच नेमकं कारण अद्याप समोर आलं नसून आरोपींची चौकशी सुरू आहे.

देविका अमोल रांजाळे आणि किरण शंकर रांजाळे अशी अटक केलेल्या महिलेचं आणि तिच्या दिराचं नाव आहे. आरोपी दीर-भावजय यांनी अमोल शंकर रांजाळे याची दगडानं ठेचून हत्या केली आहे. पोलिसांनी दिलेल्या माहितीनुसार, पुण्यातील जांभूळवाडी येथील रहिवासी असणारा किरण रांजाळे हा काही दिवसांपूर्वी आपली भावजय देविकाला घेऊन भोर तालुक्यातील धानवली याठिकाणी आपल्या बहिणेकडे आला होता. यानंतर रविवारी आरोपी पत्नी देविकाचा पती अमोलही याठिकाणी आला होता. (हे पण वाचा : मालवाहू ऑटोच्या भाड्यावरून चालकाचा खून; चौघांनी केली मारहाण)

दुपारी अडीचच्या सुमारास तिघंही बहिणीच्या घराबाहेर पडले. आपल्या घरी परत येत असताना काही कारणांवरून त्यांच्यात वाद झाला. यामुळे आरोपी पत्नी देविकानं आपला दीर किरण शंकर रांजाळे याच्या मदतीनं आपल्या पतीची हत्या केली. आरोपींनी मृत अमोलची दगडानं ठेचून निर्घृण हत्या केली. यानंतर त्यांनी मृत अमोलचा मृतदेह धानवलीच्या सोनजाई मंदिराजवळ फेकून दिला. (हे पण वाचा : "तुझ्या आईला सांगतो तू सिगारेट ओढलीस!" यावरून पेटलेल्या वादातून अल्पवयीन मुलाने केली हत्या )

गावकऱ्यांना हा मृतदेह दिसल्यानंतर गावात एकच खळबळ उडाली. तर अनेकांनी घटनास्थळी गर्दी केली होती. या घटनेची माहिती मिळताच भोर पोलिसांनी घटनास्थळी येऊन मृतदेह ताब्यात घेतला असून आरोपी दीर-भावजय यांना अटक केली आहे.