उत्तर प्रदेशातील बरेली जिल्ह्यात एक धक्कादायक घटना घडली आहे. तिथे एका प्रेमी युगलाने धावत्या ट्रेनसमोर उडी मारून आत्महत्या केली. अल्पवयीन प्रेयसीने आधी आत्महत्या केली. तिच्या मृत्यूची बातमी समजताच १८ वर्षीय तरुणाने ट्रेनसमोर उडी मारून आपलं आयुष्य संपवलं. या घटनेची माहिती मिळताच स्थानिक पोलिसांनी घटनास्थळी धाव घेऊन प्रेमीयुगलाचे मृतदेह पोस्टमॉर्टेमसाठी रुग्णालयात पाठवले.
गावकऱ्यांच्या सततच्या टोमण्यांना हे प्रेमीयुगुल आयुष्याला कंटाळलं होतं असल्याची चर्चा आहे. अखेर कंटाळून त्यांनी हे भयानक पाऊल उचलल्याची शक्यता वर्तवण्यात येत आहे. मिळालेल्या माहितीनुसार, प्रेमीयुगुलाने आत्महत्या केल्याची घटना फतेहगंज पूर्व पोलीस ठाण्याच्या हद्दीतल्या तिसुआ क्रॉसिंगला घडली. प्रेमीयुगुलाच्या आत्महत्येची माहिती समजताच पोलिसांनी घटनास्थळ गाठून दोघांचेही मृतदेह रेल्वे रुळावरून उचलून पोस्टमॉर्टेमसाठी रुग्णालयात पाठवले.
शाहजहानपूरच्या कटरा पोलीस स्टेशन परिसरात राहणाऱ्या १८ वर्षीय तरुणाचे गावातल्या १६ वर्षीय तरुणीशी प्रेमसंबंध होते. कटरा पोलीस स्टेशन परिसरात शुक्रवारी सकाळी तरुणाने ट्रेनसमोर उडी घेऊन आत्महत्या केली. प्रेयसीच्या आत्महत्येची माहिती समजल्यानंतर त्याने हे टोकाचे पाऊल उचललं, अशी चर्चा आहे. फतेहगंज पूर्व पोलीस ठाण्याच्या हद्दीतील तिसुआजवळ तरुणाने रेल्वेसमोर उडी मारून आत्महत्या केली. कुटुंबीयांच्या म्हणण्यानुसार, तरुणी सकाळी शौचासाठी घराबाहेर पडली होती. मात्र, नंतर तिचा मृतदेह रेल्वे रुळावर सापडला. पोलिसांनी दोघांचेही मृतदेह रेल्वे रुळावरून बाजूला घेऊन विस्कळीत झालेली वाहतूक सुरळीत केली.
आत्महत्या केलेलं प्रेमीयुगुल शाहजहानपूर जिल्ह्यातलं रहिवासी आहे. एकाच गावात राहणाऱ्या या दोघांचं प्रेम गावकऱ्यांना मान्य नव्हते. या दोघांना गावकरी सारखे टोमणे मारायचे आणि मानसिक त्रास द्यायचे, असं म्हणतात. या त्रासाला कंटाळून दोघांनी रेल्वेसमोर उडी मारून आपले जीवन संपवलं.