सदानंद नाईक
उल्हासनगर : कॅम्प नं-५ सिद्धार्थनगर येथील शौचालयात रविवारी दुपारी एका तरुणाचा मृतदेह सापडल्याने एकच खळबळ उडाली. तरुणाचा हृदयविकाराने मृत्यू झाल्याचा तर्क हिललाईन पोलिसांनी काढला असून अधिक तपास करीत आहेत.
उल्हासनगर कॅम्प नं-५ मधील शौचालयात रविवारी दुपारी एका तरुणांचा मृतदेह पडल्याची माहिती हिललाईन पोलिसांना मिळल्यावर त्यांनी घटनास्थळी धाव घेतली. घटनेचा पंचनामा करीत असतांना मृत्यू झालेल्या तरुणाचे नाव गोलू गौतम असे आहे. तो जीन्स कारखान्यात मित्रा सोबत काम करीत असल्याची माहिती उघड झाली. पोलिसांनी तरुणांचा मृतदेह उत्तर तपासणीसाठी मध्यवर्ती पोलीस ठाण्यात पाठवून मृत्यू झालेल्या तरुणांच्या मित्रांना ताब्यात घेतले. तेव्हा मृत गोलू गौतम याला दारूचे वेशन असल्याचे उघड झाले. तर डॉक्टरांच्या म्हणण्यानुसार अतिदारुच्या वेशनाने त्याला हृदयविकाराचा झटका येऊन मृत्यू झाला असावा. असे संकेत दिले.
हिललाईन पोलिसांनी आकस्मिक मृत्यूची नोंद केली असून अधिक तपास करीत आहेत. सुरवातीला तरुणाची हत्या की आत्महत्या अशी चर्चा रंगल्याने पोलीस संभ्रमात सापडले होते. शवविच्छेदनाच्या अहवाला नंतर तरुणांच्या मृत्यूचे निश्चित कारण स्पष्ट होणार असल्याची माहिती वरिष्ठ पोलीस निरीक्षक सारिपुत्र यांनी दिली.