वसतिगृहात राहून नीट परीक्षेची तयारी करणाऱ्या एका विद्यार्थिनीचा संशयास्पद मृत्यू झाला. तिच्या मृत्यूचे प्रकरण इतके वाढले की, हे प्रकरण सीबीआयकडे तपासासाठी देण्यात आले. त्याचवेळी आता मयत विद्यार्थिनीच्या कुटुंबीयांना धमक्या दिल्या जाऊ लागल्या आहेत. कुटुंबीयांना एक चिठ्ठी मिळाली. मुलगी तर मेली आहे, तुमचा मुलगाही मरणार, असे या चिठ्ठीत लिहिलेले आहे.
मयत विद्यार्थिनीच्या कुटुंबीयांना दुसऱ्यांदा धमकी देण्यात आली आहे. धमकीची चिठ्ठी वाचून कुटुंबीय हादरले आहेत. अज्ञात व्यक्तीने चिठ्ठी थेट त्यांच्या घरात फेकली. "सांगितलेलं ऐकणार नसाल, तर दोन दिवसात मुलगाही मरेल", असे या चिठ्ठीत म्हटलेलं आहे.
यापूर्वी शनिवारी स्वयंपाक घराच्या खिडकीमध्ये एक चिठ्ठी मिळाली होती. त्यातही अशी धमकी दिली होती की, "जास्त हुशारी कराल, तर उचलू आणि मारून टाकू." धमकीच्या दोन चिठ्ठ्या मिळाल्यानंतर मयत विद्यार्थिनीच्या वडिलांनी पोलीस प्रशासनाकडे सुरक्षेबद्दल व्यथा मांडली.
मयत मुलीच्या वडिलांनी सांगितलं की, यापूर्वी दिलेली धमकी ही तपास करणाऱ्या यंत्रणांच्या अधिकाऱ्यांना दिली गेली होती. आता आम्हालाच दिली गेली आहे.
सीबीआयने चार तास केली चौकशी
या प्रकरणाचा तपास सीबीआयने सुरू केला आहे. सीबीआयच्या अधिकाऱ्यांचे पथक मंगळवारी दुपारी ३ वाजता गावात पोहोचले. अधिकाऱ्यांनी कुटुंबातील सदस्यांची वेगवेगळ्या खोल्यांमध्ये स्वतंत्रपणे चौकशी केली. जवळपास साडेचार तास चौकशी सुरू होती.
भावाचा मोबाईल सीबीआयने केला जप्त
अधिकाऱ्यांनी मुलीच्या भावाचा मोबाईळ ताब्यात घेतला आहे. सीबीआय या मोबाईलची तपासणी करणार आहे. त्यातील कॉलची माहिती, मेसेज, सोशल मीडियावरील त्याच्या पोस्ट, कमेंट्स आणि इतर गोष्टींची माहिती मिळवणार आहे.
Web Summary : After a NEET student's suspicious death, her family received threatening notes. The CBI is investigating, questioning family members and seizing the brother's mobile phone. The family fears for their son's life after receiving threats.
Web Summary : नीट की छात्रा की संदिग्ध मौत के बाद, उसके परिवार को धमकी भरे पत्र मिले। सीबीआई जांच कर रही है, परिवार के सदस्यों से पूछताछ की जा रही है और भाई का मोबाइल जब्त कर लिया गया है। परिवार को बेटे के जीवन का डर है।