सुनील झंवरचे अटकेचे संरक्षण काढले; हायकोर्टाचा झटका

Crime News : पोलिसांचा अटकेचा मार्ग मोकळा

ठळक मुद्देअटकेपासून दिलेले संरक्षण न्यायालयाने काढून घेतले आहे. त्यामुळे त्याला अटक करण्याचा पोलिसांचा मार्ग मोकळा झाला आहे.  

जळगाव : बीएचआरच्या फसवणूक व अपहार प्रकरणात सुनील झंवर याला मुंबई उच्च न्यायालयाने गुरुवारी पुन्हा एकदा झटका दिला. त्याला अटकेपासून दिलेले संरक्षण न्यायालयाने काढून घेतले आहे. त्यामुळे त्याला अटक करण्याचा पोलिसांचा मार्ग मोकळा झाला आहे.
 

बीएचआरच्या फसवणूक व अपहार  प्रकरणात सुनील झंवरला मुंबई उच्च न्यायालयाने दोन आठवडे अटकेपासून संरक्षण दिले होते.तसे त्याने न्यायालयाला अभीवचन दिले होते. त्याची मुदत गुरुवारी संपुष्टात आली. या कालावधीत झंवरने जिल्हा न्यायालयात जाऊन अटकपूर्व अर्ज दाखल करणे अपेक्षित होते, परंतु झंवरने दिलेल्या आदेशाचे पालन केले नाही. उलट न्यायालयाचा अवमान केल्याचा युक्तिवाद सरकारी वकील प्रवीण चव्हाण यांनी केला. झंवरला यापुढे कुठलेही संरक्षण देऊ नका असेही चव्हाण यांनी न्यायालयात प्रखरपणे सांगितले, त्यामुळे न्यायमूर्ती वराडे,न्या.तायडे यांनी दिलेले संरक्षण काढून घेत झंवरविषयी नाराजी व्यक्त केली. दरम्यान,अवसायक जितेंद्र खंडारे व झंवरचा मुलगा सूरज यांच्या अर्जावर गुरुवारी कामकाज होणार होते, परंतु ते आता शुक्रवारी होणार आहे.