राजा रघुवंशीच्या हत्येनंतर कुटुंबाने सोनमच्या कुटुंबीयांची नार्को टेस्ट करण्याची मोठी मागणी केली आहे. या प्रकरणी मुख्य आरोपी सोनम रघुवंशीचा भाऊ गोविंदने प्रतिक्रिया दिली आहे. हत्येमागचं नेमकं सत्य बाहेर काढण्यासाठी राजाच्या कुटुंबाने सोनमचे पालक, भाऊ गोविंद आणि वहिणीसह सर्व सदस्यांची नार्को टेस्ट करण्याची मागणी केली होती. यावर गोविंद म्हणाला की, आम्ही कोणतंही पाप केलेलं नाही. जर कोणाला आमच्यावर संशय असेल तर आम्ही सर्व प्रकारच्या चौकशीसाठी तयार आहोत.
राजाच्या कुटुंबाला संशय आहे की, सोनमच्या कारखान्यातील राज कुशवाह हा एकटाच या खळबळजनक हत्येचा मास्टमाईंड असू शकत नाही. मेघालयचे पोलीस महासंचालक (डीजीपी) इदाशिशा नोंगरांग यांनी राजा रघुवंशीच्या हत्येला केवळ लव्ह ट्रँगलपुरतं मर्यादित ठेवलं नाही, तर इतर सर्व पैलू लक्षात घेऊन पोलीस तपास करत आहेत. लग्नाच्या काही दिवसांतच सोनमच्या मनात पतीबद्दल इतका द्वेष निर्माण होणं सामान्य नाही. आमच्याकडे पुरेसे पुरावे आहेत आणि सर्व पैलू विचारात घेतले जात आहेत असं म्हटलं आहे.
चक्की चालवणारे सोनमचे बाबा कसे झाले करोडपती? कमाई एवढी की नातेवाईकांच्या नावावर खाती
मेघालय पोलिसांनी इंदोरमधील सहकार नगर येथील राजा रघुवंशीच्या घरी भेट दिली आणि कुटुंबातील सदस्यांचं जबाब नोंदवलं. राजाचा मोठा भाऊ विपिन रघुवंशी म्हणाला की, "मेघालय पोलिसांचं तीन सदस्यांचं पथक आमच्या घरी सुमारे अर्धा तास थांबलं. त्यांनी आम्हाला सोनमच्या वर्तनाबद्दल प्रश्न विचारलं. लग्नानंतर सोनम आमच्या घरी किती दिवस राहिली हे देखील आम्हाला विचारण्यात आलं."
"सोनम रघुवंशीने आपल्या आजारी वडिलांच्या आरोग्यासाठी माझ्या भावाचा बळी दिला"
"सोनमने तिच्या पतीला खाल्लं आणि आता..." असं म्हणणाऱ्या राजच्या आजीचा झाला मृत्यू
मेघालय पोलिसांनी राजाच्या हनिमून ट्रिप दरम्यान झालेल्या हत्येप्रकरणी राजाची पत्नी सोनम, तिचा बॉयफ्रेंड राज कुशवाह आणि कुशवाहचे तीन मित्र विशाल चौहान, आकाश राजपूत आणि आनंद कुर्मी यांना अटक केली आहे. राजा आणि सोनम लग्नानंतर शिलाँगला हनिमूनला गेले होते. मात्र तिथे हे कपल अचानक बेपत्ता झालं. काही दिवसांनी राजाचा मृतदेह सापडला. पण सोनम बेपत्ता होती. त्यानंतर सोनमला राजाच्या हत्येप्रकरणी अटक करण्यात आली आहे.