ओडिशाच्या (Odisha) कंधमाल जिल्ह्यातून एक धक्कादायक घटना समोर आली आहे. या घटनेबाबत वाचून सगळ्यांनाच धक्का बसला आहे. इथे एका महिलेने रागाच्या भरात असं पाउल उचललं ज्याचा कुणी विचारही करू शकत नाही. कंधमालमध्ये एका महिलेने आपल्या दोन पोटच्या पोरांना विहिरीत धक्का (Woman pushes her two kids in Well) दिला. दोन लेकरांमधील मुलीचं वय ९ वर्षे आणि मुलाचं वय ५ वर्षे होतं. विहिरीत पडल्याने पाण्यात बुडून दोघांचाही मृत्यू झाला.
पोलिसांनुसार, महिलेने पतीसोबत झालेल्या भांडणानंतर रागाच्या भरात हे कृत्य केलं. कंधमाल जिल्ह्याच्या रायकिया ब्लॉकमधील पोलीस अधिकाऱ्यांनी सांगितलं की, साही येथे राहणारी भाग्यलक्ष्मी पात्राचं तिचा पती एस राजेश पात्रासोबत भांडण झालं होतं. त्यानंतर शुक्रवारी दुपारी ती आपल्या दोन्ही लेकरांना घेऊन घरातून निघून गेली होती. (हे पण वाचा : पत्नीने फावड्याने दारूड्या पतीची केली हत्या, पोलिसांसमोर दोन मुलींनी केला खुलासा)
महिलेने उडी न घेता मुलांना ढकललं
रायकिया पोलीस स्टेशनचे निरीक्षक श्रीकांत खमारी म्हणाले की, महिलेने आपल्या दोन्ही मुलांना विहिरीत धक्का दिला. ज्यामुळे दोघांचाही मृत्यू झाला. महिलेने स्वत: विहिरीत उडी घेतली नाही. तिचा पती आणि गावातील लोकांना ती सकाळी विहिरीजवळ रडताना दिसली. मोठ्या मुश्कीलीने बचाव पथकाने दोन्ही मृतदेह बाहेर काढले. (हे पण वाचा : धक्कादायक! वडिलांनी केली होती तीन लग्ने, दुसऱ्या पत्नीच्या मुलाने एक एक करून केले तीन मर्डर)
महिलेला अटक
महिलेला हॉस्पिटलमध्ये दाखल करण्यात आलं आहे. तिची स्थिती आता स्थिर आहे. पोलीस म्हणाले की, तिच्या विरोधात हत्येचा गुन्हा दाखल करून तिला अटक केली जाईल. तेच दुसरीकडे महिलेच्या भावाने तिच्या पतीवर अनैतिक संबंध ठेवण्याचा आरोप लावला आहे.