धक्कादायक ! एमआरआय काढण्यासाठी रुग्णालयात गेलेल्या महिलेचा कपडे बदलताना व्हिडिओ काढला

पुण्यातील प्रसिद्ध हॉस्पिटलमध्ये एमआरआय काढण्यासाठी आलेल्या महिलेचा कपडे बदलतानाचा व्हिडिओ काढण्याचा प्रकार शनिवारी रात्री उघडकीस आला आहे.

ठळक मुद्देयाप्रकरणी कोरेगाव पार्क पोलिसांनी वार्ड बॉयला केली अटक कोरेगाव पार्क पोलीस ठाण्यात गुन्हा दाखल

पुणे : पुण्यातील प्रसिद्ध हॉस्पिटलमध्ये एमआरआय काढण्यासाठी आलेल्या महिलेचा कपडे बदलतानाचा व्हिडिओ काढण्याचा प्रकार शनिवारी रात्री उघडकीस आला आहे. याप्रकरणी कोरेगाव पार्क पोलिसांनी वार्ड बॉयला अटक केली आहे.लकेश लहू उत्तेकर (वय २५, रा़ भैरवनगर, धानोरी, मुळ गाव रत्नागिरी) असे अटक केलेल्याचे नाव आहे़ याबाबत पोलिसांनी सांगितले की, तक्रारदार महिलेच्या पोटात दुखत असल्याने त्या जंहागीर हॉस्पिटलमध्ये उपचार घेत होत्या़  हॉस्पिटलमधील डॉक्टरांनी त्यांना एमआरआय काढण्यास सांगितले. त्यानुसार ही महिला शनिवारी रात्री ९ वाजता एमआरआय काढण्यासाठी वॉर्डातून तळमजल्यावर आल्या होत्या़. या महिलेला चेंजिंग रुममध्ये कपडे बदलण्याऐवजी दुसऱ्या खोलीत कपडे बदला असे लकेश उत्तरेकर याने सांगितले. त्यानंतर ही महिला एमआयआय करुन आली. तेव्हा परत दुसऱ्या खोलीत कपडे बदल्यास सांगण्यात आले.ही महिला जेव्हा कपडे बदलू लागली तेव्हा तेथे तिला एक मोबाईल दिसला. तिने मोबाईल पाहिला तर त्यात ती कपडे बदलत असतानाचा व्हिडिओ रेकॉर्ड केला गेला होता. ही गोष्ट या महिलेने आपल्या पतीला सांगितली. तिच्या पतीने याबाबत हॉस्पिटल प्रशासनाकडे चौकशी केल्यावर त्यांनी वार्ड बॉयला बोलवून जाब विचारला. त्यांनी १०० क्रमांकावर फोन करुन पोलिसांना कळविले. ही माहिती मिळताच कोरेगाव पोलीस ठाण्याचे पोलीस हॉस्पिटलमध्ये पोहचले व त्यांनी वार्ड बॉयला ताब्यात घेतले. कोरेगाव पार्क पोलीस ठाण्यात शनिवारी रात्री उशिरा गुन्हा नोंदविण्यात येऊन वार्ड बॉयला अटक करण्यात आली आहे़