कल्याण नजीक खडवलीत एक धक्कादायक प्रकार समोर आला आहे. गाय चोरीच्या संशयावरुन एका तरुणाला बेदम मारहाण करीत तरुणाचा टेम्पो पेटवून दिल्याची घटना समोर आली आहे. या प्रकरणी टिटवाळा पोलिसांनी काही तासाच तीन जणांना अटक केली आहे. अन्य आरोपींच्या पोलिस शोधात आहे.खडवली परिसरातील दानबाव परिसरात एक धक्कादायक प्रकार समोर आला आहे. याठिकाणी राहणाऱ्या काही तरुणांनी एका टेम्पो चालकास हटकले. त्याला विचारपूस केली. टेम्पो चालक जनावरे चोरत असल्याच्या संशय काही नागरीकांना होता. चर्चे दरम्यान वाद सुरु झाला. या वादात नागरीकांनी टेम्पो चालकास बेदम मारहाण करण्यास सुरुवात केली. मारहाणी दरम्यान टेम्पो पेटवून देण्यात आला. सोमवारी रात्री ही घटना घडली होती. घटना घडल्यानंतर याची माहिती टिटवाळा पोलिसांना मिळाली.
टिटवाळा पोलिस ठाण्याचे वरिष्ठ पोलिस निरिक्षक राजू वंजारी यांनी या गंभीर प्रकरणाची दखल घेत. एक पथक तयार केले. पोलिसांनी आरोपींचा शोध सुरु केला. काही तासाच पोलिसांनी या प्रकरणी काही जणांना ताब्यात घेतले. चौकशी केली असता हे तिघे या प्रकरणात सामिल असल्याचे समोर आले. या प्रकरणी संतोष शेलके, काळूराम पवार अन्य एकाला अटक करण्यात आली आहे. या बाबत वरिष्ठ पोलिस निरिक्षक राजू वंजारी यांचे म्हणणो आहे की, पिडीत व्यक्ती हा शहापूर तालुक्यातील हाल गावचा आहे. मासे पकडण्यासाठी तो या परिसरात आल्याचे त्याने सांगितले होते. काही लोकांना संशय होते. तो जनावरे चोरी करण्यास आला आहे. या संशयावरुन हा प्रकार घडला आहे. तिघांना अटक करुन अन्य आरोपींचा शोध सुरु आहे.